కనుమూరిపై పార్లమెంటు భద్రతా సిబ్బంది తికమక

న్యూఢిల్లీ: పార్లమెంటు సభ్యుడు కనుమూరి బాపిరాజు బుధవారంనాడు పార్లమెంటు వద్ద విచిత్రమైన పరిస్థితిని ఎదుర్కున్నారు. ఆయనను భద్రతా సిబ్బంది పార్లమెంటులోకి అనుమతించలేదు. గుబురు మీసాలతో, పెద్ద జుట్టుతో కనిపించే కనుమూరి బాపిరాజు, మీసాలు లేకుండా వెళ్లే సరికి ఆ పరిస్థితిని ఎదుర్కున్నారు. మీసాలు లేని కనుమూరి బాపిరాజును భద్రతా సిబ్బంది గుర్తించలేకపోయారు. ఆ తర్వాత గుర్తించి లోనికి అనుమతించారు.

తిరుమల తిరుపతి దేవస్థానం (టిటిడి) పాలక మండలి చైర్మన్‌గా నియమితులైన తర్వాత శ్రీవారికి కనుమూరి బాపిరాజు తలనీలాలు సమర్పించుకున్నారు. తలనీలాలు సమర్పించుకున్న తర్వాత ఆయన ఫొటోలు వివిధ తెలుగు దినపత్రికల్లో పాత ఫొటోలతో బేరీజు వేస్తూ ప్రచురించాయి. రెండు ఫొటోలకు మధ్య ఏ మాత్రం పొంతన లేదు. నిజానికి, తలనీలాలు సమర్పించుకున్న తర్వాత తీసిన తన ఫొటోను చూసి కనుమూరి బాపిరాజే ఆశ్చర్యపోయారు.

English summary

Parliament security staff could not identify Congress MP Kanumuri Bapiraju.