మేం ఎవరి మద్దతు కోరటం లేదు: కోదండరామ్

హైదరాబాద్: ప్రత్యేక తెలంగాణ కోసం తాము ఎవరి మద్దతూ కోరటం లేదని తెలంగాణ రాజకీయ జాయింట్ యాక్షన్ కమిటీ చైర్మన్ ప్రొఫెసర్ కోదండరామ్ సోమవారం ఓ టీవీ కార్యక్రమంలో అన్నారు. నాపై మంత్రి టిజి వెంకటేష్ ఎందుకు అలా మాట్లాడారో తనకు తెలియదన్నారు. అయితే విమర్శలు ఆయన విజ్ఞతకే వదిలేస్తున్నట్లు చెప్పారు. తెలంగాణ కోసం అరెస్టు కావడానికి సిద్ధమన్నారు. అలా ఎందరిని అరెస్టు చేస్తారో చూస్తామన్నారు. తెలంగాణ కోసం సకల జనుల సమ్మెనే ఆఖరి పోరాటం అన్నారు. ఎలాగైన తెలంగాణ సాధిస్తామన్నారు.

తాము ఎవరి మద్దతూ కోరటం లేదన్నారు. వచ్చే వారిని మాత్రమే కలుపుకొని పోతామన్నారు. తెలంగాణ కోసం మద్దతు ఇస్తున్నామని పై పై వ్యాఖ్యలు చేస్తూ మంత్రులు సచివాలయానికి వెళ్లడాన్ని ఆయన ఖండించారు. తెలంగాణపై చిత్తశుద్ధి ఉంటే మంత్రులు వెంటనే విధులను బహిష్కరించాలన్నారు. ఉద్యమంలో పాల్గొనాలన్నారు. మా ఉద్యమానికి ప్రజలు, ఉద్యోగుల మద్దతుందన్నారు. ప్రజల మద్దతు చూసైనా ఎవరికి వారే ఉద్యమానికి మద్దతు తెలుపుతారన్నారు.

English summary

Telangana Political JAC chairman Kodandaram said today that they are not ready to urge any one to participate in telangana movement.