సిబిఐ ముందు గల్లా అరుణకుమారి కూతురు

By Pratap

Published: Friday, September 16, 2011, 10:53 [IST]

హైదరాబాద్: ఎమ్మార్ ప్రాపర్టీస్ కేసులో మంత్రి గల్లా అరుణ కుమారి కూతురు పద్మావతి శుక్రవారం సిబిఐ అధికారుల ముందు హాజరయ్యారు. ఎమ్మార్ ప్రాపర్టీస్‌లో విల్లాలు కొనుగోలు చేసిన ప్రముఖులను సిబిఐ అధికారులు కొద్ది రోజులుగా ప్రశ్నిస్తున్న విషయం తెలిసిందే. ఇందులో భాగంగానే గల్లా అరుణ కుమారిని సిబిఐ అధికారులు శుక్రవారం ప్రశ్నించారు. ఎన్టీవీ చానెల్‌కు చెందిన నరేంద్ర చౌదరి భార్య రమాదేవి కూడా శుక్రవారం సిబిఐ ముందు హాజరయ్యారు. వారి స్టేట్‌మెంట్లను సిబిఐ రికార్డు చేసింది.

స్టైలిష్ హోమ్స్ రియల్ ఎస్టేట్ ప్రతినిధులు కూడా శుక్రవారం సిబిఐ ముందు హాజరయ్యారు. వైయస్సార్ కాంగ్రెసు పార్టీ అధ్యక్షుడు వైయస్ జగన్‌కు చెందిన జగతి పబ్లికేషన్స్ వైస్ చైర్మన్ విజయసాయి రెడ్డి శుక్రవారం 15వ రోజు సిబిఐ ముందు హాజరయ్యారు. తనకు ప్రాణహాని ఉందని ఫిర్యాదు చేయడంతో విజయసాయి రెడ్డికి ప్రభుత్వం కానిస్టేబుల్‌తో రక్షణ ఏర్పాట్లు చేసింది.

Published On September 16, 2011