బాబు ఇంటికి తాళం వేయండి: టిటిడిపికి కెటిఆర్ సూచన

By Srinivas

Published: Sunday, September 18, 2011, 11:58 [IST]

అదిలాబాద్: తెలుగుదేశం తెలంగాణ పార్టీ ప్రజా ప్రతినిధులు తెలంగాణ కోసం అసెంబ్లీ గేటుకు కాకుండా ఆ పార్టీ అధినేత నారా చంద్రబాబు నాయుడు ఇంటికి తాళం వేయాలని తెలంగాణ రాష్ట్ర సమితి సిరిసిల్ల శాసనసభ్యుడు కల్వకుంట్ల తారక రామారావు ఆదివారం అదిలాబాద్ జిల్లాలో అన్నారు. తప్పు చేసిన, మాట మార్చిన ప్రజా ప్రతినిధులను రీకాల్ చేసే వ్యవస్థ ఉండాలని ఆయన అభిప్రాయపడ్డారు. తెలుగుదేశం, కాంగ్రెసు పార్టీ ప్రజా ప్రతినిధులు తెలంగాణ కోసం రాజీనామా చేసి చిత్తశుద్ధి నిరూపించుకోవాలని డిమాండ్ చేశారు.

ప్రదేశ్ కాంగ్రెసు కమిటీ మాజీ అధ్యక్షుడు డి శ్రీనివాస్ కాంగ్రెసు ప్రజా ప్రతినిధులతో రాజీనామా చేయించి తెలంగాణపై ఉన్న చిత్తశుద్ధిని నిరూపించుకోవాలని టిఆర్ఎస్ఎల్పీ ఈటెల రాజేందర్ డిమాండ్ చేశారు. రాజకీయాల్లో సంస్కరణలు రావాల్సిన ఆవశ్యకత ఉందన్నారు. టిడిపి, కాంగ్రెసు ప్రజాప్రతినిధులు రాజీనామా చేసి ఉద్యమంలోకి రావాలని సూచించారు. సకల జనుల సమ్మెతో ప్రభుత్వంలో వణుకు పుడుతోందన్నారు. సోమవారం జరిగే జాతీయ రహదారుల దిగ్బంధాన్ని విజయవంతం చేయాలని ఆయన డిమాండ్ చేశారు.

Published On September 18, 2011