ప్రధాని మాట చెల్లుబాటు కావడం లేదు: వెంకయ్య

హైదరాబాద్: ప్రధాన మంత్రి మన్మోహన్ సింగ్ మాట చెల్లుబాటు కావడం లేదని భారతీయ జనతా పార్టీ సీనియర్ నాయకుడు వెంకయ్య నాయుడు ఆదివారం అన్నారు. నాయకత్వ సంక్షోభంతో యుపిఏ ప్రతిష్ట రోజు రోజుకూ దిగజారుతోందన్నారు. ఆర్థిక వ్యవస్థ చిన్నాభిన్నమై ధరల నియంత్రణ లేకుండా పోతోందని ఆయన ఆవేదన వ్యక్తం చేశారు. సెప్టెంబర్ 30, ఆక్టోబర్ 1వ తారీఖున జాతీయ కార్యవర్గ సమావేశం ఉంటుందని చెప్పారు.

ఆ సమావేశంలో యుపిఏ హయాంలో పెరిగిన పెట్రోలు ధరలు, వడ్డీ రేట్లపై ఆందోళనలు నిర్వహించే కార్యక్రమాలపై చర్చిస్తామని చెప్పారు. పంట పండించిన రైతులు తీవ్ర ఇబ్బందులు ఎదుర్కొంటున్నారన్నారు. ప్రభుత్వం రైతులకు గిట్టుబాటు ధర కల్పించాలని డిమాండ్ చేశారు. దేశంలో ఇప్పుడు 42 శాతం మంది రైతులు వ్యవసాయానికి స్వస్తీ చెప్పాలని చూస్తున్నారన్నారు.

English summary

BJP senior leader Venkaiah Naidu blamed UPA government today. He accused that UPA government is in crisis now.