మా పార్టీకి సొంత మీడియా వద్దు: ముఖ్యమంత్రి

తిరుపతి: తమ కాంగ్రెస్ పార్టీకి సొంత పత్రిక, ఛానెల్ లేకపోవడమే మంచిదని, కాంగ్రెస్‌ను ప్రజలే ఆదరిస్తారని ముఖ్యమంత్రి కిరణ్‌కుమార్ రెడ్డి అన్నారు. బుధవారం ఉదయం ఆయన శాసనసభ్యుడు చిరంజీవి, కేంద్ర మంత్రి పురంధేశ్వరిలతో కలిసి తిరుపతి చేరుకున్నారు. దామినీడు ప్రాంతంలో విశాలాంధ్ర దిన పత్రిక నూతన భవనానికి ముఖ్యమంత్రిశంకుస్థాపన చేశారు. ఈ కార్యక్రమానికి కాంగ్రెసు పార్లమెంటు సభ్యుడు చింతామోహన్, చిరంజీవి, సీపీఐ రాష్ట్ర కార్యదర్శి నారాయణ తదితరులు హాజరయ్యారు.

ఏ ప్రతిక వాస్తవాలు రాస్తుందో, ఏ టీవీ చానెల్ నిజాయితీగా మాట్లాడుతోందో ప్రజలకు తెలుసునని ముఖ్యమంత్రి అన్నారు. ప్రస్తుత పరిస్థితుల్లో విశాలాంధ్ర పేరు వింటుంటే మదిలో ఎదోలా ఉందని చెప్పారు. విశాలాంధ్ర ఎప్పటికీ విశాలాంధ్రగానే ఉండాలని చిరంజీవి అన్నారు. ఆ తర్వాత ముఖ్యమంత్రి విష్టు నివాసం అతిథి గృహాన్ని, రుయా ఆస్పత్రిలో చిన్నపిల్లల క్యాన్సెర్ విభాగాన్ని ప్రారంభించారు.

English summary

CM Kiran Kumar Reddy said that Congress party does not want own media.