కాంగ్రెసుకు వ్యతిరేకంగా ఎన్నికల్లో ప్రచారం: అన్నా

న్యూఢిల్లీ: వచ్చే ఐదు రాష్ట్రాల ఎన్నికల్లో కాంగ్రెసుకు ఓటు వేయవద్దని ప్రచారం చేస్తానని సామాజిక కార్యకర్త అన్నా హజారే హెచ్చరించారు. అవినీతికి వ్యతిరేకంగా ఆయన మంగళవారం భవిష్యత్తు కార్యాచరణ పథకాన్ని ప్రకటించారు. జన్ లోక్‌పాల్ బిల్లును కేంద్ర ప్రభుత్వం కావాలనే ఆమోదించడం లేదని, అందువల్ల తాను హర్యానాలోని హిస్సార్‌లో కాంగ్రెసుకు ఓటు వేయవద్దని ప్రచారం చేస్తానని ఆయన చెప్పారు.

లోక్‌పాల్ బిల్లును శీతాకాలం పార్లమెంటు సమావేశాల్లో ఆమోదించకపోతే ఎన్నికలకు ముందు ఉత్తరప్రదేశ్‌లోని లక్నోలో తాను దీక్ష చేపడతానని ఆయన అన్నారు. తమకు దేశ ప్రజల మద్దతు ఉందని, బిజెపితో పాటు పలు పార్టీలు తమను బలపరుస్తున్నాయని, కాంగ్రెసు మాత్రమే మద్దతు తెలపడం లేదని ఆయన అన్నారు. శీతాకాలం పార్లమెంటు సమావేశాల్లో జన లోక్‌పాల్ బిల్లును ఆమోదించకపోతే ఐదు రాష్ట్రాల ఎన్నికల్లో కాంగ్రెసుకు ఓటు వేయవద్దని ప్రజలకు విజ్ఞప్తి చేస్తానని ఆయన చెప్పారు.

English summary

Addressing a press conference Anna said he would appeal to voters in poll-bound Hisar in Haryana not to vote for Congress as it deliberately did not pass Jan Lokpal Bill.