విశాఖ పాస్‌పోర్టు కార్యాలయం వద్ద ఉద్రిక్తత

విశాఖపట్నం: పాసుపోర్టు కార్యాలయం వద్ద బుధవారం తీవ్ర ఉద్రిక్త పరిస్థితి ఏర్పడింది. తమకు పాసు పోర్టులు సకాలంలో అందడం లేదని ఆరోపిస్తూ వేలాది మంది విశాఖపట్నం పాసుపోర్టు కార్యాలయానికి బుధవారం ఉదయమే చేరుకున్నారు. తాము పాసుపోర్టు కోసం దరఖాస్తు చేసుకొని దాదాపు సంవత్సరం కావస్తున్నా ఇప్పటి వరకు అందడం లేదని వారు అధికారులపై మండిపడ్డారు. వేలు, లక్షల రూపాయలు పోసి విదేశాలకు వెళ్లి చదువుకుందామని, పని చేసుకుందామనే తమలాంటి వారికి పాసుపోర్టు సకాలంలో అందక పోవడంతో తీవ్ర ఇబ్బందులు ఎదుర్కొంటున్నామన్నారు.

వెంటనే పాసుపోర్టులు ఇవ్వాలని డిమాండ్ చేశారు. పాసుపోర్టు కార్యాలయానికి చేరుకున్న ప్రజలు విశాఖ నుండి వెళ్లే జాతీయ రహదారిపై బైఠాయించారు. టైర్లకు నిప్పు పెట్టారు. దీంతో భారీగా ట్రాఫిక్ జాం అయింది. పరిస్థితి ఉద్రిక్తంగా మారింది. కాగా విశాఖపట్నం పాసుపోర్టు కార్యాలయంలో శ్రీకాకుళం, విజయనగరం తదితర జిల్లాల ప్రజలు దరఖాస్తు చేసుకుంటారు.

English summary

Tension prevailed at Vishakapatnam passport office today for late issue of their passports. Thousands of people stuck roads before office and demanded for passports.