గవర్నర్‌కు ఢిల్లీ పిలుపు, తాజా పరిస్థితిపై ఆరా

న్యూఢిల్లీ: తెలంగాణ సకల జనుల సమ్మె నేపథ్యంలో రాష్ట్రంలో నెలకొన్న పరిస్థితిపై తెలుసుకోవడానికి గవర్నర్ నరసింహన్‌కు ఢిల్లీ నుంచి పిలుపు వచ్చింది. ఆయన రేపు శుక్రవారం ఢిల్లీకి బయలుదేరి వెళ్తున్నారు. ఎల్లుండి శనివారం మధ్యాహ్నం పన్నెండున్నర గంటలకు ప్రధాని మన్మోహన్ సింగ్‌తో భేటీ కానున్నారు. రాష్ట్రంలో నెలకొన్న తాజా పరిస్థితిపై కేంద్ర ప్రభుత్వం పోన్‌లోనే గవర్నర్‌ను ఆరా తీసింది. సకల జనుల సమ్మె వల్ల ఉత్పన్నమైన పరిస్థితిపై గవర్నర్ నుంచి కేంద్ర ప్రభుత్వం సమాచారం సేకరిస్తోంది.

కాగా, తెలంగాణపైన చర్చించడానికి కాంగ్రెసు కోర్ కమిటీ మరోసారి సమావేశమవుతోంది. తెలంగాణపై నవంబర్ మొదటి వారంలో ఓ ప్రకటన చేయాలని భావిస్తున్నట్లు ఎఐసిసి వర్గాలంటున్నాయి. కాంగ్రెసు ఆంధ్రప్రదేశ్ రాష్ట్ర వ్యవహారాల ఇంచార్జీ గులాం నబీ ఆజాద్ బుధవారం సాయంత్రం పార్టీ అధ్యక్షురాలు సోనియా గాంధీని కలిసి పరిస్థితిని వివరించారు. ఈ నేపథ్యంలో దసరా తర్వాత కాంగ్రెసు వర్కింగ్ కమిటీ సమావేశంలో, యుపిఎ భాగస్వామ్య పక్షాల సమావేశంలోచర్చించిన నవంబర్ మొదటివారంలో ఓ ప్రకటన చేయడానికి సిద్ధపడుతున్నట్లు చెబుతున్నారు.

English summary

Congress high command has invited governor Narasimhan to Delhi to take stalk of the AP situation.