శివానీ భట్నాగర్ హత్య కేసులో ఆర్‌కె శర్మకు విముక్తి

న్యూఢిల్లీ: జర్నలిస్టు శివానీ భట్నాగర్ హత్య కేసులో ఐపియస్ అధికారి రవి కాంత్ శర్మకు ఢిల్లీ హైకోర్టు విముక్తి ప్రసాదించింది. ఆయనతో పాటు మరో ఇద్దరికి కూడా ఈ కేసు నుంచి విముక్తి లభించింది. 1999లో శివానీ భట్నాగర్ కేసు తీవ్ర సంచలనం సృష్టించింది. కేసులోని నాలుగో నిందితుడు ప్రదీప్ శర్మకు కింది కోర్టు విధించిన జీవిత ఖైదును ఢిల్లీ కోర్టు ఖరారు చేసింది. అప్పట్లో ఇండియన్ ఎక్స్‌ప్రెస్‌లో పనిచేస్తున్న జర్నలిస్టు శివానీ భట్నాగర్‌ను ప్రదీప్ శర్మ హత్య చేశాడు.

నిందితులు ఆర్‌కె శర్మ, శ్రీ భగ్వాన్ శర్మ, సత్య ప్రకాష్‌లపై సరైన సాక్ష్యాలు లేకపోవడంతో వారికి కోర్టు విముక్తి ప్రసాదించింది. తూర్పు ఢిల్లీలోని ఐపి ఎక్స్‌టెన్స్‌లో నవకుంజ్ ఆపార్టుమెంట్ ఫ్లాట్‌లో 1999 జనవరి 23వ తేదీన శివానీ భట్నాగర్‌ హత్యకు గురైంది. ఆర్‌కె శదర్మతో పాటు నలుగురిని కింది కోర్టు దోషులుగా నిర్ధారించింది. సహ నిందితుడు దేవ్ ప్రకాష్ శర్మ, వేద్ అలియాస్ కలును ట్రయల్ కోర్టు నిర్దోషులుగా ప్రకటించింది. ఆర్‌కె శర్మతో పాటు నలుగురికి 2008 మార్చిలో జీవిత ఖైదు విధించింది.

English summary

The Delhi high court today acquitted former senior IPS officer Ravi Kant Sharma and two others in the sensational killing of journalist Shivani Bhatnagar in 1999.