పోలీసు స్టేషన్ ముట్టడి, మహబూబాబాద్‌లో ఉద్రిక్తత

వరంగల్: వరంగల్ జిల్లా మహబూబాబాద్‌లో శనివారం తీవ్ర ఉద్రిక్తత చోటు చేసుకుంది. అరెస్టు చేసినవారిని విడుదుల చేయాలని డిమాండ్ చేస్తూ కాంగ్రెసు పార్లమెంటు సభ్యుడు బలరాం నాయక్, శాసనసభ్యురాలు కవిత పోలీసు స్టేషన్‌ను ముట్టడించారు. పోలీసులపైకి ఆందోళనకారులు రాళ్లు రువ్వారు. ఆ దాడిలో ఎస్సైతో పాటు మరికొంత మంది గాయపడ్డారు. దీంతో తీవ్ర ఉద్రిక్తత చోటు చేసుకుంది. అయితే, పరిస్థితి అదుపులోనే ఉందని పోలీసులు చెబుతున్నారు. ఆదిలాబాద్ జిల్లా మంచిర్యాలలో కూడా ఉద్రిక్త పరిస్థితులు నెలకొన్నాయి.

హైదరాబాద్‌లోని వనస్థలిపురంలో తెలంగాణవాదులు ఐదు బస్సుల అద్దాలు ధ్వంసం చేశారు. ఎస్కార్ట్ పోలీసుల సహాయంతో తెలంగాణలో రైళ్లు నడపడానికి ప్రయత్నిస్తున్నారు. ఆందోళనకారులను పోలీసులు ఎక్కడికక్కడ అరెస్టు చేస్తున్నారు. లాఠీచార్జీలు చేస్తున్నారు. ఈ స్థితిలో రద్దు చేసిన కొన్ని రైళ్లను పునరుద్ధరించేందుకు ప్రయత్నాలు జరుగుతున్నాయి. అయితే, రైల్వే స్టేషన్లలో ప్రయాణికులు పెద్దగా కనిపించడం లేదు.

English summary

Tension prevailed at Mahaboobabad of Warangal district today.