లక్డీకా పూల్ రైల్వే స్టేషన్‌లో రాములమ్మ అరెస్టు

By Pratap

Published: Saturday, October 15, 2011, 11:19 [IST]

హైదరాబాద్: హైదరాబాదులోని లక్డీకా పూల్ రైల్వే స్టేషనులో పోలీసులు తెలంగాణ రాములమ్మను అరెస్టు చేశారు. రైల్ రోకో కార్యక్రమంలో భాగంగా ఆమె శనివారం ఉదయం ఎంఎంటిఎస్ రైళ్లను అపడానికి ప్రయత్నించారు. ఈ సందర్భంగా పోలీసులు ఆమెను అరెస్టు చేసి, దబీర్‌పురా పోలీసు స్టేషనుకు తరలించరాు. ప్రభుత్వంపై, పోలీసులపై ఆమె తీవ్రంగా మండిపడ్డారు. తెలంగాణ వచ్చే వరకు తమ ఆందోళన ఆగదని ఆమె అన్నారు. ప్రభుత్వం తమను రెచ్చగొడుతోందని ఆమె విమర్శించారు. తాము ప్రభుత్వానికి గానీ రైల్వే శాఖకు గానీ ఏ విధమైన ఇబ్బంది కలిగించడం లేదని ఆమె అన్నారు.

కాగా, మౌలాలి రైల్వే స్టేషన్‌లను గాయకురాలు విమలక్కను పోలీసులు అరెస్టు చేశారు. ప్రజలు లేని పాలనను ముఖ్యమంత్రి, డిజిపి కోరుకుంటున్నారని తెలంగాణ రాజకీయ జెఎసి చైర్మన్ కోదండరామ్ విమర్శించారు. ఇంత జరుగుతున్నా కేంద్రం స్పందించడం లేదని ఆయన విమర్శించారు. అరెస్టులతో తెలంగాణవాదులను రెచ్చగొట్టవద్దని ఆయన పోలీసులను కోరారు. ఫిష్ ప్లేట్లను పోలీసులే తొగిస్తున్నారనే అనుమానాలు కలుగుతున్నాయని ఆయన అన్నారు.

Published On October 15, 2011