మంత్రి శంకరరావుపై విచారణ చేపట్టిన లోకాయుక్త

హైదరాబాద్: కోర్టులకు లేఖలు రాయడం ద్వారా ప్రత్యర్థుల గుండెల్లో రైళ్లు పరిగెత్తిస్తున్న రాష్ట్ర జౌళి శాఖ మంత్రి పి. శంకరరావు ఇబ్బందుల్లో పడ్డారు. మంత్రి శంకరరావుపై వచ్చిన ఆరోపణలపై తనంత తానుగా విచారణ చేపట్టాలని లోకాయుక్త నిర్ణయం తీసుకుంది. సికింద్రాబాద్ తిర్మల్‌గిరి తహశీల్దార్‌ను బదిలీ చేయాలని మంత్రి శంకరరావు పై అధికారులపై ఒత్తిడి తెచ్చారంటూ వచ్చిన ఆరోపణలపై లోకాయుక్త విచారణ చేపట్టింది. ఆరోపణలపై వివరణ ఇవ్వాలని లోకాయుక్త మంత్రిని ఆదేశించింది. అనంతరం విచారణను వాయిదా వేసింది.

తన మాట వినడం లేదనే కారణంతో తహశీల్దార్‌ను బదిలీ చేయాలని శంకరరావు జిల్లా కలెక్టర్‌పై, ప్రభుత్వంపై ఒత్తిడి తెస్తున్నారని ఆరోపిస్తూ మీడియాలో వార్తలు వచ్చాయి. ఆ వార్తాకథనాల ఆధారంగా లోకాయుక్త శంకరరావుపై విచారణ చేపట్టింది. అధికారుల సాధారణ విధుల్లో జోక్యం చేసుకుంటూ మంత్రిగా అధికార దుర్వినియోగానికి పాల్పడుతున్నారనే అభియోగాలపై లోకాయుక్త సుమోటా విచారణ చేపట్టింది.

English summary

Lokayukta has decided to make enquiry on allegations against minister P Shankar Rao.