ప్రముఖ సాహితీవేత్త అవసరాల రామకృష్ణా రావు మృతి

విశాఖపట్నం: ప్రముఖ సాహితీవేత్త, నవలా రచయిత అవసరాల రామకృష్ణా రావు కన్నుమూశారు. కొంత కాలంగా ఆయన అనారోగ్యంతో బాధపడుతున్నారు. దాంతో ఆయన విశాఖపట్నంలో తుది శ్వాస విడిచారు. తన కథలు, నవలల ద్వారా స్త్రీ విముక్తి ప్రాధాన్యాన్ని ఆయన వివరించారు. సంపెంగలూ సన్నజాజులూ అనే నవల ఆయనకు మంచి పేరు తెచ్చింది. ఆయన 1931 డిసెంబర్ 21వ తేదీన చెన్నైలో జన్మించారు.

అత్యంత ప్రాచుర్యం పొందిన చందమామ తొలి సంచికలో అవసరాల రామకృష్ణా రావు కథ అచ్చయింది. తన పదడహారేళ్ల వయస్సులో ఆయన 1947లో పొట్టి పిచిక కథ రాశారు. అమ్మ చెప్పిన కథను, అందరికీ తెలిసిన కథను ఆయన తనదైన శైలిలో అక్షరీకరించి, చందమామకు పంపించారు. దాన్ని చందమామ అలాగే అచ్చేసింది. అవసరాల రామకృష్ణారావు మృతికి సాహితీవేత్తలు సంతాపం ప్రకటించారు.

English summary

Prominent Telugu writer Avasarala Ramakrishna Rao passes away at Vishakapatnam.