రైలు నుంచి తోసేసి రేప్ చేసిన వ్యక్తికి మరణ శిక్ష

త్రిషూర్: సౌమ్య అనే అమ్మాయిని రైలు నుంచి తోసేసి, తాను దుమికి, ఆమెపై అత్యాచారం చేసి, హత్య చేసిన బిక్షగాడికి ఫాస్ట్ ట్రాక్ కోర్టు శుక్రవారం మరణశిక్ష విధించింది. ఒంటిచేయి బిక్షగాడు ప్యాసెంజర్ రైలులో ఇంటికి తిరిగి వస్తున్న సౌమ్య అనే అమ్మాయిపై అత్యాచారానికి ప్రయత్నించాడు. ఆమె ప్రతిఘటించడంతో రైల్లోంచి కిందికి తోసేసి తానూ దుమికాడు. రైల్వే ట్రాక్‌పై గాయాలతో పడి ఉన్న ఆమెపై అతను అత్యాచారం చేసి ఆమెను చంపేశాడు.

తమిళనాడులో విరుదాచలానికి చెందిన 30 ఏల్ల గోవిందచామి అనే బిక్షగాడు 23 ఏల్ల సౌమ్య అనే అమ్మాయిపై ఆ దారుణానికి పాల్పడ్డాడు. ఈ ఏడాది ఫిబ్రవరి 1వ తేదీన కొచ్చిలోని మాల్‌లో సేల్స్ గర్ల్‌గా పనిచేస్తున్న సౌమ్య కొచ్చి - షోర్నూర్ ప్యాసెంజర్ రైల్లో ఖాళీగా ఉన్న లేడీస్ కంపార్టుమెంటులో ప్రయాణిస్తుండగా గోవిందచామి ప్రవేశించి ఆ దారుణానికి ఒడిగట్టాడు. గాయపడిన సౌమ్యను రేప్ చేసి ఆమెను వదిలేసి వెళ్లిపోయాడు. ఆమెను ఆస్పత్రిలో చేర్చగా ఫిబ్రవరి 6వ తేదీన మరణించింది. గోవిందచామికి నేరచరిత్ర ఉంది. తమిళనాడులో ఎనిమిది కేసుల్లో అతను దోషిగా తేలాడు.

English summary

A one-handed beggar who pushed a woman passenger returning from work out of a passenger train at night when she resisted molestation and subsequently raped and killed her while she was lying injured near the railway track was awarded death sentence by a fast track court here on Friday.