గాలికి మూడోసారి భంగపాటు, బెయిల్ నిరాకరణ

By Pratap

Published: Thursday, November 17, 2011, 20:58 [IST]

హైదరాబాద్: గనుల అక్రమ తవ్వకాల కేసులో కర్ణాటక మాజీ మంత్రి గాలి జనార్దన్ రెడ్డికి సిబిఐ కోర్టులో మూడోసారి భంగపాటు ఎదురైంది. గాలి జనార్దన్ రెడ్డి, ఓబుళాపురం మైనింగ్ కంపెనీ మేనేజింగ్ డైరెక్టర్ బివి శ్రీనివాస రెడ్డి దాఖలు చేసుకున్న బెయిల్ పిటిషన్లను కోర్టు గురువారం తోసిపుచ్చింది. గాలి జనార్దన్ రెడ్డి, బివి శ్రీనివాస రెడ్డి పెట్టుకున్న బెయిల్ పిటిషన్లపై కోర్టులో సుదీర్ఘంగా వాదనలు జరిగాయి. వాదనల అనంతరం వారి బెయిల్ పిటిషన్లను కోర్టు తిరస్కరించింది.

ఇదిలా ఉంటే, గాలి జనార్దన్ రెడ్డి, శ్రీనివాస రెడ్డి నివాసాల్లో సిబిఐ స్వాధీనం చేసుకున్న నగదును తమకు అప్పజెప్పాలని ఆదాయం పన్ను శాఖ వేసిన పిటిషన్‌పై విచారణను కోర్టు ఈ నెల 28వ తేదీకి వాయిదా వేసింది. గాలి జనార్దన్ రెడ్డి తమకు ఆదాయం పన్ను బాకీ ఉన్నందున సిబిఐ స్వాధీనం చేసుకున్న నగదును తమకు అప్పజెప్పాలని కోరుతూ ఆదాయం పన్ను శాఖ పిటిషన్ వేసింది.

Published On November 17, 2011