బాబు కేసు: రామోజీరావు పిటిషన్‌పై 5న విచారణ

హైదరాబాద్: ఈనాడు సంస్థల అధినేత రామోజీ రావు హైకోర్టులో వేసిన పిటిషన్‌పై వచ్చే నెల 5వ తారీఖున విచారణ జరిగే అవకాశాలు ఉన్నాయి. తెలుగుదేశం పార్టీ అధినేత నారా చంద్రబాబు నాయుడు ఆస్తుల కేసులో బాబుతో సహా రామోజీ రావు, సిఎం రమేష్, నామా నాగేశ్వర రావు తదితరులపై హైకోర్టు సిబిఐ ప్రాథమిక విచారణకు ఆదేశించిన విషయం తెలిసిందే. దీనిపై వారు సుప్రీం కోర్టును ఆశ్రయించారు. ఈ కేసు విషయంలో ప్రస్తుత పరిస్థితుల్లో తాము జోక్యం చేసుకోమని హైకోర్టునే ఆశ్రయించాలని సూచించింది. అవసరమైతే పిటిషన్ దాఖలు చేసిన పదిహేను రోజుల్లో తీర్పు ఇవ్వాలని కోర్టుకు సూచిస్తామని అప్పటికీ తీర్పు నచ్చకపోతే సుప్రీంకో రావచ్చునని తెలిపింది.

దీంతో రామోజీ రావు గురువారం సుప్రీం కోర్టు సూచించిందంటూ హైకోర్టును ఆశ్రయించారు. తమ వాదనలు వినకుండానే కనీసం తమకు తీర్పు కాగితాలు ఇవ్వకుండానే విచారణకు ఆదేశించారని తన పిటిషన్‌లో పేర్కొన్నారు. ఈ పిటిషన్ పైన విచారణ డిసెంబర్ 5వ తేదిన విచారణకు రానుంది. మిగిలిన వారూ హైకోర్టును ఆశ్రయించే అవకాశాలు కనిపిస్తున్నాయి.

English summary

Ramoji Rao Petition for trial on July 5 of december.