కిరణ్ ప్రభుత్వంపై సుప్రీంకు ఎమ్మెల్యే వేణుగోపాల చారి

By Srinivas

Published: Monday, November 28, 2011, 16:39 [IST]

న్యూఢిల్లీ: సంఖ్యాబలం లేకున్నప్పటికీ ముఖ్యమంత్రి కిరణ్ కుమార్ రెడ్డి అధికారంలో కొనసాగుతున్నారని తెలుగుదేశం పార్టీ అసంతృప్త శాసనసభ్యుడు వేణుగోపాల చారి సోమవారం అత్యున్నత న్యాయస్థానం సుప్రీం కోర్టును ఆశ్రయించారు. సిఎంకు తగిన ఎమ్మెల్యేల బలం లేనందున ఆయన పదవిలో కొనసాగేందుకు అర్హుడు కాదంటూ ఆయనను తన పిటిషన్‌లో పేర్కొన్నారు. ఆంధ్రప్రదేశ్‌లో కిరణ్ కుమార్ రెడ్డిని విశ్వాస పరీక్షకు ఆదేశించాలంటూ ఆయన కోరారు. కాగా ఈ పిటిషన్ మంగళవారం విచారణకు వచ్చే అవకాశముంది.

కాగా ఇటీవల వేణుగోపాల చారి కిరణ్ ప్రభుత్వంపై హైకోర్టును ఆశ్రయించిన విషయం తెలిసిందే. అయితే హైకోర్టు ఆయన పిటిషన్ విచారణనకు అనర్హమైనదంటూ తోసి పుచ్చింది. తన పిటిషన్ కోర్టు తోసి పుచ్చడంతో తాను సుప్రీం కోర్టుకు వెళతానని ఆయన అప్పుడే ప్రకటించారు.

Published On November 28, 2011