గిరిజన మహిళలపై రేప్, తమిళ పోలీసులపై విచారణ

చెన్నై: తమపై లైంగిక దాడికి పాల్పడ్డారంటూ గిరిజన మహిళలు చేసిన ఆరోపణలపై తమిళనాడులోని వెల్లుపురం జిల్లా పోలీసులపై ప్రభుత్వం న్యాయ విచారణకు ఆదేశించింది. వెల్లుపురం జిల్లా తిరుకోయిలూరు పోలీసు స్టేషన్ పోలీసులపై ఇరుల గిరిజన మహిళలు ఆరోపణలు చేశారు. గిరిజన మహిళలు చేసిన ఆరోపణలపై తిరుకోయిలూరు జ్యుడిషియల్ మెజిస్ట్రేట్ విచారణ జరుపుతారని వెల్లుపురం జిల్లా పోలీసు సూపరింటిండెంట్ (ఎస్పీ) ఎన్ భాస్కరన్ చెప్పారు.

మెజిస్ట్రేట్ ఆదివారమే తన విచారణను ప్రారంభించారు. పోలీసు అధికారులు తనపై లైంగిక దాడికి పాల్పడ్డారని ఓ మహిళ శనివారం ఫిర్యాదు చేసింది. దొంగతనం ఆరోపణపై తిరుకోయిలూరు పోలీసులు ఆరుగురు పురుషులను అదుపులోకి తీసుకున్నారు. వారికి చెందిన తమ నలుగురిని కూడా విచారణ నిమిత్తం పోలీసులు అదుపులోకి తీసుకున్నారని, నలుగురు పోలీసులు తమను రేప్ చేశారని మహిళలు ఆరోపించారు.

English summary

A judicial inquiry is being conducted into the sexual assault charges made by four tribal women against Tamil Nadu policemen in Villupuram district, an official said on Sunday.