రామోజీకి లబ్ధి అబద్దం: విజయమ్మ పిల్‌పై పయ్యావుల

హైదరాబాద్: ఈనాడు సంస్థల అధినేత రామోజీ రావుకు తెలుగుదేశం ప్రభుత్వం హయాంలో ఎలాంటి లబ్ధి చేకూర్చలేదని ఆ పార్టీ సీనియర్ శాసనసభ్యుడు పయ్యావుల కేశవ్ మంగళవారం తెలిపారు. వైయస్సార్ కాంగ్రెసు పార్టీ గౌరవ అధ్యక్షురాలు వైయస్ విజయమ్మ పిటిషన్‌లో అన్ని అవాస్తవాలే ఉన్నాయన్నారు. టిడిపి హయాంలో నిబంధనల మేరకే శంషాబాద్ ఎయిర్ పోర్టుకు కేటాయింపులు జరిపామన్నారు. ఎయిర్ పోర్టు వచ్చి మూడేళ్లు గడిచాక రామోజీ అక్కడ భూములు కొన్నారని అంతకుముందు కొనలేదన్నారు. లబ్ధి పొందిన వారి వివరాలు త్వరలో వెల్లడిస్తామని చెప్పారు.

మరోవైపు టిడిపి సీనియర్ నేత ఎర్రన్నాయుడు మంత్రి ధర్మాన ప్రసాద్ రావుపై శ్రీకాకుళం జిల్లాలో ధ్వజమెత్తారు. ధర్మాన అక్రమంగా గ్రానైట్ లీజులు ఇప్పించడం ద్వారా అక్రమాలకు పాల్పడ్డారని ఆరోపించారు. ముఖ్యమంత్రి కిరణ్ కుమార్ రెడ్డి ధర్మానను వెంటనే తన మంత్రివర్గం నుండి తొలగించాలని డిమాండ్ చేశారు. జిల్లాలో ఇసుక మాఫియాపై పత్రికల్లో కథనాలు వస్తున్నా అధికారులు నిమ్మకు నీరెత్తినట్లుగా వ్యవహరిస్తున్నారని విమర్శించారు.

English summary

TDP senior mla Payyavula Keshav said today that Ramoji Rao did not gain in Telugudesam party ruling time.