జగన్‌తోనే ఉంటానని రఘువీరాకు తేల్చిచెప్పిన ఎమ్మెల్యే

By Srinivas

Published: Sunday, December 4, 2011, 10:19 [IST]

హైదరాబాద్: తాను వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి వెంటే ఉంటానని ఎమ్మెల్యే గుర్నాథ్ రెడ్డి మంత్రి రఘువీరా రెడ్డికి తేల్చి చెప్పినట్లుగా తెలుస్తోంది. ఆదివారం శాసనసభ ప్రారంభమైన తర్వాత పావుగంట వాయిదా పడింది. అనంతరం రఘువీరా రెడ్డి గుర్నాథ్ రెడ్డితో భేటీ అయ్యారు. ఈ సందర్భంగా ఆయన కాంగ్రెసు విప్‌ను ఆయనకు ఇచ్చారు. తెలుగుదేశం పార్టీ అవిశ్వాస తీర్మానంలో ప్రభుత్వానికి అనుకూలంగా ఓటు వేయాలని సూచించారు.

విప్ తీసుకున్న గుర్నాథ్ రెడ్డి తాను జగన్ వెంటే ఉంటానని రఘువీరా రెడ్డికి స్పష్టం చేశారు. కాగా ఆదివారం శాసనసభ ప్రారంభం కాగానే గందరగోళం చెలరేగడంతో స్పీకర్ నాదెండ్ల మనోహర్ సభను పదిహేను నిమిషాలు వాయిదా వేశారు. అనంతరం సభ తిరిగి ప్రారంభమైంది.

Published On December 4, 2011