నమ్ముతారనుకుంటే మేమే అమాయకులం: సిఎం

హైదరాబాద్: రైతులు చాలా తెలివైన వారని, రాజకీయ నాయకులు కల్లి బొల్లి మాటలు చెబితే వారు నమ్మరని ముఖ్యమంత్రి కిరణ్ కుమార్ రెడ్డి బుధవారం క్యాంపు కార్యాలయంలో అన్నారు. చెరుకు రైతులు ఉదయం క్యాంపు కార్యాలయంలో సిఎంను కలిశారు. ఈ సందర్భంగా ఆయన మాట్లాడారు. పేపర్లు, టీవీలు పెట్టుకొని రుమాల్ చుట్టుకుంటే రైతులు నమ్మే పరిస్థితి లేదన్నారు. రైతులు తెలివైన వారని వారికి ఏమీ తెలియదనుకుంటే మేమే అమాయకులమవుతామన్నారు.

చెరకు రైతులను ఆదుకునేందుకు ప్రభుత్వం అన్ని విధాలా ప్రయత్నాలు చేస్తోందన్నారు. షుగర్ ఫ్యాక్టరీలు నడిచేందుకు ప్రత్యేక ప్యాకేజీలు ప్రకటిస్తున్నామన్నారు. ఇప్పటికే రూ.65 కోట్లు ఇందు కోసం విడుదల చేసినట్లు చెప్పారు. చెరకు రైతుల సమస్యలపై త్వరలో శాశ్వత కమిషన్ నియమించనున్నట్లు చెప్పారు.

English summary

CM Kiran Kumar Reddy said today that farmers are intelligent people. They are no confidence on political leaders promises.