ఆ ప్యూన్ కోటీశ్వరుడు, పది కోట్లు గుర్తించిన లోకాయుక్త

భోపాల్: మధ్యప్రదేశ్‌లోని ఉజ్జయిని నగర పాలక సంస్థ ప్యూన్ కోటీశ్వరుడు. అతనికి పది కోట్ల రూపాయల వరకు ఆస్తులు ఉన్నట్లు లోకాయుక్త గుర్తించింది. లోకాయుక్త సిబ్బంది సోదాలకు వచ్చిన సమయంలో బంగారాన్ని, రూపాయిల కట్టలను, పత్రాలను ప్యూన్ ఇంట్లోనివారు పక్కిళ్లలోకి విసిరారు. వాటిని చూసి పొరుగు ఇళ్లవాళ్లు దిగ్భ్రాంతికి గురయ్యారు. నరేంద్ర కుమార్ దేశ్‌ముఖ్ అనే ఆ ప్యూన్ ఇంటిపై లోకాయుక్త ప్రత్యేక పోలీసు సిబ్బంది దాడి చేసింది.

దేశ్‌ముఖ్‌కు ఎకరాల కొద్దీ భూమి, పది బ్యాంక్ ఖాతాలు, కర్మాగారంలో వాటా, ముంబైలోని హోటల్‌లో వాటా, పలు ఇళ్లు ఉన్నట్లు వారు గుర్తించారు. ఆ ప్యూన్ ఇంట్లోంచి పోలీసులు 30 వేల రూపాయల నగదును, పది మొబైల్ ఫోన్లను, బంగారు - వెండి ఆభరణాలు, 3 ల్యాప్‌టాప్‌లు, 2 కంప్యూటర్లు, నాలుగు ఫోర్ వీలర్ వాహనాలు, నాలుగు టూ వీలర్లను స్వాధీనం చేసుకున్నారు. పలు బ్యాంకుల్లో లాకర్లు, పత్రాలు ఉన్నట్లు గుర్తించారు. అన్నా హజారీ అవినీతి వ్యతిరేక పోరాటం చేస్తున్న నేపథ్యంలో ఈ ప్యూన్ ఉదంతం దిగ్భ్రాంతికి గురి చేస్తోంది.

English summary

India can not be called a poor country anymore as a man, who works as a peon in the Ujjain Municipal Corporation in Madhya Pradesh, can afford to have assets worth of Rs 10 crore.