ఇండియన్స్‌ను విడుదల చేసిన చైనా, నా గొప్పేనని మోడీ

బీజింగ్/ సూరత్: చైనా జైళ్లలో మగ్గుతున్న 22 మందిలో 13 మంది వజ్ర వ్యాపారులు, కార్మికులు తిరిగి భారత్ చేరుకుంటున్నారు. దాదాపు రెండేళ్లుగా వారు చైనా జైళ్లలో మగ్గుతున్నారు. దక్షిణ చైనా షెంజెన్ సిటి కోర్టు ఇచ్చిన తీర్పుతో వారు విడుదలవుతున్నారు. మిగతా వాళ్లు నెల నుంచి ఆరేళ్ల పాటు వారికి విధించిన శిక్షకు అనుగుణంగా చైనా జైళ్లలోనే ఉంటారు. వారంతా వజ్రాల స్మిగ్లింగ్‌కు పాల్పడినట్లు కోర్టు అభిప్రాయపడింది. దాంతో వారికి శిక్ష విధించింది.

తాను చెసిన కృషి వల్లనే వజ్రవ్యాపారులు, కార్మికులు విడుదలయ్యారని గుజరాత్ ముఖ్యమంత్రి నరేంద్ర మోడీ చెప్పుకుంటున్నారు. తన విజ్ఞప్తిని మన్నించినందుకు ఆయన చైనాకు కృతజ్ఞతలు కూడా తెలిపారు. గత నెలలో తాను చైనాలో పర్యటించినప్పుడు న్యాయప్రక్రియను వేగవంతం చేయాలని కోరానని, అందుకు అనుగుణంగానే చైనా వ్యవహరించిందని ఆయన అంటున్నారు. హాంగ్‌కాంగ్ నుంచి చైనాకు 7.3 మిలియన్ డాలర్ల విలువ చేసే వజ్రాలను అక్రమంగా చేరవేస్తూ 2010 జనవరిలో వారు పట్టుబడ్డారు. పట్టుబడిన 22 మందిలో 14 మంది ముంబైకి, 8 మంది సూరత్‌కు చెందినవారు.

English summary

Thirteen of the 22 Indian diamond merchants and workers languishing in Chinese jails for nearly two years will be returning home in a day or two following a verdict by the local court in South China's Shenzhen city on Wednesday.