ఎట్టకేలకు జగన్ వర్గం ఎమ్మెల్యేలపై స్పీకర్‌కు ఫిర్యాదు

By Srinivas

Published: Monday, December 12, 2011, 20:18 [IST]

హైదరాబాద్: తెలుగుదేశం పార్టీ కిరణ్ కుమార్ రెడ్డి ప్రభుత్వంపై అవిశ్వాస పెట్టిన సమయంలో విప్ ధిక్కరించి ఓటు వేసిన పదహారు మంది వైయస్సార్ కాంగ్రెసు పార్టీ అధ్యక్షుడు, వైయస్ జగన్మోహన్ రెడ్డి వర్గం కాంగ్రెసు ఎమ్మెల్యేలపై వేటు వేయాలని ప్రభుత్వ చీప్ విప్ కొండ్రు మురళి సోమవారం సాయంత్రం స్పీకర్ నాదెండ్ల మనోహర్‌ను కలిసి విజ్ఞప్తి చేశారు. కొండ్రు పదహారు మందిపై విడి విడిగా స్పీకర్‌కు లేఖలు అందజేశారు. జగన్ ఎమ్మెల్యేలతో పాటు కాంగ్రెసు అనుబంధ సభ్యుడు సోమారపు సత్యనారాయణపై కూడా అనర్హత వేటు వేయాలని కోరారు.

కాంగ్రెసు వేటు వేయమని స్పీకర్‌కు ఫిర్యాదు చేసింది వీరి పైనే - మేకపాటి చంద్రశేఖర రెడ్డి, బాలినేని శ్రీనివాస్ రెడ్డి, సుచరిత, పిన్నెల్లి రామకృష్ణా రెడ్డి, ధర్మాన కృష్ణదాసు, గొల్ల బాబూరావు, అమర్నాథ్ రెడ్డి, శ్రీకాంత్ రెడ్డి, శ్రీనివాసులు, గుర్నాథ్ రెడ్డి, కాపు రామచంద్రా రెడ్డి, చెన్నకేశవ రెడ్డి, పిల్లి సుభాష్ చంద్రబోసు, బాలరాజు, ప్రసాద రాజు, కొండా సురేఖ. కాగా ఇప్పటికే పిఆర్పీ విప్ ధిక్కరించిన ఆళ్లగడ్డ ఎమ్మెల్యే శోభా నాగి రెడ్డి ఆ పార్టీ స్పీకర్‌కు ఫిర్యాదు చేసింది.

Published On December 12, 2011