విజయమ్మ ప్రసంగం ఆలోచింపచేస్తోంది: భూమన

తిరుపతి/హైదరాబాద్: వైయస్సార్ కాంగ్రెసు పార్టీ గౌరవ అధ్యక్షురాలు వైయస్ విజయమ్మ అసెంబ్లీలో చేసిన ప్రసంగం అందర్నీ ఆలోచింప చేస్తోందని ఆ పార్టీ చిత్తూరు జిల్లా నేత, మాజీ టిటిడి చైర్మన్ భూమన కరుణాకర్ రెడ్డి సోమవారం అన్నారు. దివంగత వైయస్ మరణవార్తను తట్టుకోలేక చనిపోయిన వారిని ఓదార్చాల్సిన బాధ్యత జగన్ పైన ఉందన్నారు. కొన్ని ఛానళ్లు పని గట్టుకొని జగన్‌పై కట్టు కథలు ప్రసారం చేస్తూ మీడియా విలువల్ని పోగొట్టుకుంటున్నాయని విమర్శించారు.

కాగా వైయస్సార్ కాంగ్రెసు పార్టీ యువజన విద్యార్థి విభాగం ఆధ్వర్యంలో హైదరాబాదులోని బస్ భవన్‌ను ముట్టడించారు. నగర శివార్లలో ఉన్న కళాశాలలకు మెరుగైన బస్సు సౌకర్యం కల్పించాలని విద్యార్థి నాయకులు డిమాండ్ చేశారు. ముట్టడిలో పెద్ద ఎత్తున విద్యార్థులు పాల్గొనడంతో ఆర్టీసీ క్రాస్ రోడ్డులో ట్రాఫిక్‌కు అంతరాయం ఏర్పడింది.

English summary

YSR Congress leader Bhumana Karunakar Reddy said today that YS Vijayamma speech is very well.