సాక్షి ధర పెంచడానికి ఆ కారణాలా?: జగన్‌పై టిడిపి

By Srinivas

Published: Thursday, December 15, 2011, 18:17 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి తన పత్రిక సాక్షి ధరను పెంచుకోవడానికి చూపిన కారణాలు సిగ్గుచేటని తెలుగుదేశం పార్టీ మహిళా విభాగం అధ్యక్షురాలు శోభా రాణి గురువారం విమర్శించారు. గనులు, భూములు స్వాహా చేయడం ద్వారా వచ్చిన డబ్బునే జగన్ సాక్షి పత్రిక, సాక్షి ఛానల్‌కు వాడుకున్నారని ధ్వజమెత్తారు. ఇఫ్పుడు పరిస్థితులు తారుమారయ్యేసరికి జగన్ ప్రజలపై పడుతున్నారన్నారు.

పారిశ్రామికవేత్తలను దోపిడీ చేసిన జగన్ ఇప్పుడు సాక్షి ధర పెంచడం ద్వారా ప్రజలపై పడి దోచుకునేందుకు సిద్ధమయ్యారన్నారు. తన పత్రిక ధర పెంచుకోవడానికి తెలుగుదేశంపై విమర్శలు చేయడం విడ్డూరమన్నారు. కాగా గురువారం సాక్షి పత్రికలో జగన్ పత్రిక రేటు పెంచుతున్నామని, ఎందుకు పెంచుతున్నామో చెబుతూ సుదీర్ఘ వివరణ ఇచ్చిన విషయం తెలిసిందే.

Published On December 15, 2011