చంద్రబాబు కాజేయాలని చూస్తున్నారు: లక్ష్మీ పార్వతి

By Srinivas

Published: Sunday, December 18, 2011, 9:40 [IST]

హైదరాబాద్: తెలుగుదేశం పార్టీ వ్యవస్థాపకుడు నందమూరి తారక రామారావు గండిపేట కుటీరాన్ని టిడిపి అధ్యక్షుడు నారా చంద్రబాబు నాయుడు కాజేయాలని చూస్తున్నారని ఎన్టీఆర్ టిడిపి అధ్యక్షురాలు లక్ష్మీ పార్వతి శనివారం ఆరోపించారు. ఎన్టీఆర్ ఉన్నప్పుడు కుటీరం ఎలా ఉందో దాన్ని అలాగే కాపాడుకుంటూ వస్తున్నానని, అది ఆయన తనకు వీలునామా కింద ఇచ్చిన ఆస్తి అని తెలిపారు. ఇన్నేళ్లుగా ఎవరినీ డబ్బులు అడగకుండా తోటకు కాపలా పెట్టి బాగా చూసుకుంటున్నానని చెప్పారు.

కాగా అంతకుముందు టిడిపి నేత వర్ల రామయ్య, గండిపేట కుటీరాన్ని తమకు అప్పగిస్తే దాని పవిత్రతను కాపాడతామని లక్ష్మీ పార్వతికి సూచించారు. న్యాయపరమైన వివాదాల వల్ల ఆ స్థలం ఆమె ఆధీనంలో ఉందన్నారు. ఎన్టీఆర్ జీవితంలో అతి ముఖ్యమైన ఘట్టానికి ప్రతీక అయిన ఆ కుటీరాన్ని ఆద్దెకు ఇచ్చి నడపడం దారుణమన్నారు. పార్లమెంటులో ఎన్టీఆర్ విగ్రహం ఏర్పాటు కోసం లోక్‌సభ స్పీకర్‌కు తమ పార్టీ అధినేత లేఖ రాయబోతున్నారన్నారు.

Published On December 18, 2011