ఓబుళాపురం మైనింగ్ నిషేధంతో కుటుంబం ఆత్మహత్య

చిత్తూరు: ఓబుళాపురం గనుల తవ్వకాలపై నిషేధం ఓ కుటుంబం ప్రాణాలను తీసింది. అనంతపురం జిల్లాలోని ఓబుళాపురం గనుల తవ్వకాలను ఆపేయడంతో ఓ ట్రక్ కాంట్రాక్టర్ జీవితం అస్తవ్యస్తంగా మారింది. చిత్తూరు జిల్లా పుంగనూరుకు చెందిన పి. నరేష్ కుమార్ రెడ్డి అనే ట్రక్ కాంట్రాక్టర్ తన భార్య, కుమారులతో కలిసి ఆత్మహత్య చేసుకున్నాడు. రవాణాకు వాడిన రెండు ట్రక్కులను అమ్మేసి 47 ఏళ్ల నరేష్ కుమార్ రెడ్డి పౌల్ట్రీలోకి దిగారు. ఇక్కడ కూడా అతనికి నష్టాలు వచ్చాయి. దీంతో 36 ఏళ్ల భార్య పి. విజేత, 11 ఏళ్ల కుమారుడు పి. రుగ్వేద్‌లతో కలిసి అతను ఆత్మహత్య చేసుకున్నాడు.

ఇంట్లోంచి దుర్వాసన వస్తుండడంతో ఇరుగుపొరుగు వారు పోలీసులకు తెలియజేయడంతో ఆ సంఘటన సోమవారం వెలుగులోకి వచ్చిది. పోలీసులు బలవంతంగా తలుపులు తెరిచే చూసే సరికి ముగ్గురు ప్రాణాలు కోల్పోయి పడి ఉండడం కనిపించింది. స్వీట్లలో విషం కలుపుకుని వారు తిన్నట్లు పోలీసులు అనుమానిస్తున్నారు. నరేష్ కుమార్ రెడ్డి కడప జిల్లా శనగలూరుకు చెందినవాడు. రవాణా వ్యాపారం ఆగిపోవడంతో పుంగనూరుకు వచ్చాడు. అతని కూతురు తరుణి నెల్లూరు జిల్లాలోని బుచ్చిరెడ్డిపాలెం అమ్మమ్మగారి ఇంట్లో ఉంటుంది. దీంతో ఆమె బతికిపోయింది.

English summary

The shutting down of mining operations in Obulapuram area in Anantapur district proved fatal for truck contractor P Nareshkumar Reddy, who committed suicide along with his wife and son in Punganur.