• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజకీయాల్లోకి త్వరలోనే వస్తా, పోటీ చేస్తా: బాలకృష్ణ

By Pratap
|

balakrishna
విజయవాడ: త్వరలోనే తాను ప్రత్యక్ష రాజకీయాల్లోకి వస్తానని ప్రముఖ సినీ నటుడు నందమూరి బాలకృష్ణ చెప్పారు. రానున్న ఎన్నికలలో తెలుగుదేశం పార్టీ తరపున పోటీ చేస్తానని ఆయన చెప్పారు. తాను ఎక్కడి నుంచి పోటీ చేయాలనే విషయాన్ని పార్టీ నిర్ణయానికే వదిలేస్తున్నట్లు చెప్పారు. కోస్తా, రాయలసీమ, తెలంగాణాలో ఎక్కడ నుంచైనా పోటీ చేస్తానని, అదే సమయంలో పార్టీ ఎన్నికల ప్రచార బాధ్యతలను కూడా చేపడతానని తెలిపారు. కృష్ణా జిల్లా ఘంటసాలలో ఎన్టీఆర్ విగ్రహావిష్కరణ కోసం శనివారం ఆయన విజయవాడ వచ్చారు. పార్టీ దివంగతన నాయకుడు చలసాని వెంకటేశ్వరరావు (పండు) కుటుంబ సభ్యులను ఆయన పరామర్శించారు. ఈ సందర్భంగా ఆయన మీడియా ప్రతినిధులతో మాట్లాడారు. తమ కుటుంబం నుంచి ఎవరైనా రాజకీయాలలోకి రావచ్చునని, ఇందులో ఒత్తిడి ఏమీ లేదని ఆయన చెప్పారు.

తానొక్కడే రాజకీయాలలో ఉండాలనే నిబంధన లేదని, అలాగని రాకూడదని ఎవరిపైనా ఒత్తిళ్లు చేసేదిలేదని ఆయన స్పష్టం చేశారు. కాంగ్రెస్ పార్టీకి తెలుగుదేశం పార్టీ ఒక్కటే ప్రత్యామ్నాయమన్నారు. ప్రజలు కూడా తెలుగుదేశం పార్టీ మళ్లీ అధికారంలోకి రావాలని కోరుకుంటున్నారని చెప్పారు. తెలంగాణా విషయంలో తనకు ప్రత్యేక అభిప్రాయమేదీ లేదని, పార్టీ విధానమే తన వైఖరని చెప్పారు. అంతకుముందు బాలకృష్ణ గన్నవరం విమానాశ్రయం నుంచి భారీ ర్యాలీగా విజయవాడ చేరుకున్నారు. నేరుగా ఆయన పండు ఇంటికి వెళ్లి చిత్రపటానికి పూలమాల వేసి నివాళులర్పించారు. బాలకృష్ణ వెంట టీడీపీ జిల్లా అధ్యక్షుడు, మైలవరం ఎమ్మెల్యే దేవినేని ఉమామహేశ్వరరావు, గుడివాడ ఎమ్మెల్యే కొడాలి శ్రీ వెంకటేశ్వరరావు (నాని), విజయవాడ అర్బన్ అధ్యక్షుడు వల్లభనేని వంశీమోహన్, మాజీ ఎంపీ గద్దే రామ్మోహన్, పార్టీ నాయకులు బొండా ఉమామహేశ్వరరావు తదితరులు ఉన్నారు.

English summary
Telugu film hero Balakrishna said that he will play active role in TDP and will contest ensuing election.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X