యువతిపై గ్యాంగ్‌రేప్, తల్లి గొంతు కోసిన కసాయి కొడుకు

By Srinivas

Published: Monday, January 9, 2012, 15:59 [IST]

ఏలూరు/మెదక్: పశ్చిమ గోదావరి జిల్లాలోని టి.నర్సాపురంలో సోమవారం దారుణం జరిగింది. ఓ యువతిపై కొందరు దుండగులు సామూహిక అత్యాచారానికి పాల్పడ్డారు. దీంతో ఆ యువతి అపస్మారక స్థితిలోకి వెళ్లింది. అత్యాచారానికి పాల్పడ్డ దుండగులు పారిపోయారు. అపస్మారక స్థితిలో ఉన్న యువతిని స్థానికులు గమనించి దగ్గర్లోని ఆసుపత్రికి తరలించారు. స్థానిక పోలీసులకు సమాచారం అందించారు. పోలీసులు కేసు నమోదు చేసుకొని దర్యాఫ్తు చేస్తున్నారు. కాగా ఈ సంఘటన పోలీసు స్టేషన్ సమీపంలోనే చోటు చేసుకోవడం గమనార్హం. వరంగల్ జిల్లా మద్దూరు మండలం కమలాయపల్లి గ్రామంలో ఓ కొడుకు తాగిన మైకంలో కన్నతల్లి గొంతు కోశాడు. గాయపడ్డ బాధితురాలిని స్థానికులు చికిత్స నిమిత్తం ఆసుపత్రికి తరలించారు.

మెదక్ జిల్లాలోని జోగిపేటలో ఓ యువతి కిడ్నాప్‌కు గురైన సంఘటనలో ఆమె తల్లిదండ్రులు పోలీసులను ఆశ్రయించారు. ఓ ప్రైవేట్ పాఠశాలలో టీచర్‌గా పని చేస్తున్న యువతిని కొందరు గుర్తు తెలియని దుండగులు శనివారం కిడ్నాప్ చేశారు. ఆమెను సుమోలో బలవంతంగా ఎక్కించుకొని తీసుకు వెళ్లినట్లుగా సమాచారం. పోలీసులు కేసు నమోదు చేసుకొని దర్యాఫ్తు చేస్తున్నారు.

Published On January 9, 2012