మధ్యప్రదేశ్ తొక్కిసలాటలో 12 మంది భక్తుల మృతి

భోపాల్: మధ్యప్రదేశ్‌లో శనివారం తెల్లవారు జామున తొక్కిసలాట చోటు చేసుకుంది. ఈ సంఘటనలో 12 మంది మరణించగా, నలుగురు గాయపడ్డారు. మధ్యప్రదేశ్‌లో రాట్లం జిల్లాలో మతపరమైన ఉత్సవంలో ఈ దుర్ఘటన జరిగింది. భోపాల్‌కు 300 కిలోమీటర్ల దూరంలో గల రాట్లం జిల్లా హుస్సేన్ టెక్రీలో 40 రోజుల మొహర్రం తర్వాత ముస్లింలు చెహుల్లం పాటిస్తారు. ఈ సందర్భంగా తొక్కిసలాట చోటు చేసుకుంది. నిప్పుల గుండం సమీపానికి భక్తులు ఒకేసారి చేరుకోవడానికి ప్రయత్నించారు. దీని ఫలితంగా తొక్కిసలాట జరిగింది.

పన్నెండు మంది మరణించారని, నలుగురు గాయపడ్డారని, గాయపడినవారికి ఆస్పత్రిలో చికిత్స చేయిస్తున్నామని, మరణించినవారి కుటుంబాలకు పది వేల రూపాయలేసి, గాయపడినవారికి ఐదు వేల రూపాయలేసి నష్టపరిహారం ప్రకటించామని రాట్లం కలెక్టర్ రాజేంద్ర కుమార్ శర్మ చెప్పారు.

English summary

At least 12 people were killed and four injured in a stampede during a religious gathering in Madhya Pradesh's Ratlam district in the early hours of Saturday, an official said.