• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

'తెలంగాణ'పై ఆజాద్ హామీ, సమ్మె చేస్తాం: స్వామిగౌడ్

By Srinivas
|

Swamy Goud
హైదరాబాద్: తెలంగాణపై ఏఐసిసి అధ్యక్షురాలు, యుపిఏ చైర్ పర్సన్ సోనియా గాంధీతో తాను చర్చిస్తానని కేంద్రమంత్రి, రాష్ట్ర వ్యవహారాల ఇంచార్జ్ గులాం నబీ ఆజాద్ హామీ ఇచ్చారని తెలంగాణ ఉద్యోగ సంఘాల నేతలు ఆదివారం మీడియాతో చెప్పారు. టిఎన్జీవో నేతలు స్వామి గౌడ్, దేవి ప్రసాద్, విఠల్, శ్రీనివాస్ గౌడ్‌లు ఆదివారం ఉదయం ఆజాద్‌ను కలిశారు. అనంతరం వారు మీడియాతో మాట్లాడారు. వచ్చే పార్లమెంటు సమావేశాలలో తెలంగాణ బిల్లు పెట్టాలని మేం ఆజాద్‌ను కోరామని చెప్పారు. బిల్లు పెట్టని పక్షంలో ఉద్యోగ సంఘాలు సమ్మె చేసేందుకు సిద్ధంగా ఉన్నాయని చెప్పామన్నారు. ఐతే ఐదు రాష్ట్రాల ఎన్నికలు ఉన్నందునే తాము తెలంగాణపై ఇప్పుడు ఏం మాట్లాడటం లేదని ఆజాద్ చెప్పారన్నారు. సోనియా కూడా అందుకే మాట్లాడటం లేదని చెప్పారన్నారు.

మరోసారి సమ్మె చేసే పరిస్థితి ఉత్పన్నం కాదని కూడా ఆజాద్ హామీ ఇచ్చారన్నారు. కాగా ఏఐసిసి అధికార ప్రతినిధి రేణుకా చౌదరి తన ఇంట్లో ఆజాద్‌కు అల్పాహార విందు ఇచ్చారు. ఇక్కడే టిఎన్జీవో నేతలు ఆజాద్‌ను కలిశారు. వారు ఉప ముఖ్యమంత్రి దామోదర రాజనర్సింహ కారులో ఆజాద్‌ను కలిసేందుకు వచ్చారు.

English summary
TNGO leaders Swamy Goud told media that, Ghulam Nabi Azad promised them he will talk about Telangana with Sonia Gandhi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X