సిఎం మా నేత, మాదో టీం: విభేదాలు లేవన్న దామోదర

హైదరాబాద్: ముఖ్యమంత్రి కిరణ్ కుమార్ రెడ్డికి, తనకు మధ్య విభేదాలు ఉన్నట్లు వస్తున్న వార్తల్లో ఎలాంటి నిజం లేదని ఉప ముఖ్యమంత్రి దామోదర రాజనర్సింహ మంగళవారం కొట్టి పారేశారు. సిఎం కిరణ్ మా నేత అని, మాది టీం వర్క్ అన్నారు. మా నాయకుడు కిరణే అన్నారు. నాకు, ఆయనకు మధ్య విభేదాలు లేవన్నారు. మీడియాలో వచ్చిన కథనాలకు తాను ఎలా జవాబుదారి అవుతానని అన్నారు. కాంగ్రెసు పార్టీలోనే దళితులకు న్యాయం జరుగుతుందని చెప్పారు. ఏఐసిసి అధ్యక్షురాలు, యుపిఏ చైర్ పర్సన్ సోనియా గాంధీ వల్లే తనకు పదవి వచ్చిందన్నారు. అమలాపురంలో రాజ్యాంగ నిర్మాత అంబేడ్కర్ విగ్రహాలను ధ్వంసం చేయడాన్ని ఖండిస్తున్నట్లు చెప్పారు. ఇలాంటి ఘటనలు పునరావృతం కాకుండా చూస్తామన్నారు.

కాగా ఇటీవల దామోదర, కిరణ్ మధ్య విభేదాలు తారాస్థాయికి చేరాయనే వార్తలు వచ్చిన విషయం తెలిసిందే. దామోదర రాజనర్సింహ ముఖ్యమంత్రి స్థానంపై కన్నేసి సైలెంట్‌గా తన పని చేసుకు పోతున్నారనే వార్తలు వచ్చాయి. కాంగ్రెసులో కాపు, రెడ్డిల ప్రాధాన్యత క్రమంగా తగ్గిస్తూ, ఎస్సీ, బిసి నేతగా ఎదగాలని దామోదర ప్రయత్నాలు చేస్తున్నారన్నారు.

English summary

Deputy CM Damodara Rajanarasimha said that there is no differences with CM Kiran Kumar Reddy.