పోలీసాఫీసరును కొట్టిన ఐఎఎస్ అధికారి భార్య

By Pratap

Published: Monday, January 30, 2012, 18:23 [IST]

బెంగళూరు: కర్ణాటక రాజధాని బెంగళూర్‌లో ఓ ఐఎఎస్ అధికారి భార్య పోలీసు అధికారిపై చేయి చేసుకుంది. దీంతో పోలీసుల్లో కలకలం ప్రారంభమైంది. ఈ సంఘనట చిన్నస్వామి స్టేడియంలో ఆదివారంనాడు జరిగింది. ఆదివారం జరిగిన సెలిబ్రిటీ క్రికెట్ మ్యాచ్ (సిసిఎల్) మ్యాచు చూడడానికి తన కూతురికతో కలిసి ఆ మహిళ మైదానంలోకి ప్రవేశించడానికి ప్రయత్నించిన సమయంలో ఆ సంఘటన చోటు చేసుకుంది.

దెబ్బలు తిన్న పోలీసాపీసరు అంజుమల టి. నాయర్ కథనం ప్రకారం - మహిళ వద్ద ఒకే పాసు ఉంది. అయితే, ఆమెతో పాటు తన కూతురిని కూడా లోనికి తీసుకుని వెళ్లడానికి ప్రయత్నించింది. ఆమెను అడ్డగించడానికి ప్రయత్నించడంతో నాయర్‌ను ఆ మహిళ కొట్టింది. ఈ వివాదంలో ఆ తర్వాత కర్ణాటక క్రికెట్ సంఘం (కెసిఎ) జోక్యం చేసుకుంది. ఆ ఐఎఎస్ భార్యతో పాటు ఆమె కూతురును కూడా సంఘం అధికారులు అనుమతించారు. సిసిటివీ ఫుటేజ్ ఆధారంగా ఆ సంఘటనపై దర్యాప్తు ప్రారంభమైంది. విచారణ నిమిత్తం తమ ముందు హాజరు కావాలని దర్యాప్తు అధికారులు ఐఎఎస్ భార్యకు సమన్లు జారీ చేశారు.

Published On January 30, 2012