• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ఐఏఎస్‌లతో ఏకీభవించిన బొత్స, రాయపాటి సానుభూతి

By Srinivas
|

Bosta Satyanarayan-Rayapati Sambasiva Rao
హైదరాబాద్/గుంటూరు: ఐఏఎస్‌ల తీరును రాష్ట్ర కాంగ్రెసు నేతలు అందరూ తప్పు పడుతుంటే ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ, గుంటూరు పార్లమెంటు సభ్యుడు రాయపాటి సాంబశివ రావు మాత్రం వారితో ఏకీభవించారు. ఆదివారం బొత్స సత్యనారాయణ మీడియాతో మాట్లాడారు. తప్పు చేస్తే మంత్రి అయినా సరే సిబిఐ విచారణ ఎదుర్కోవాల్సిందేనని ఆయన అన్నారు. అధికారుల వ్యాఖ్యలతో తాను ఏకీభవిస్తున్నానని అన్నారు. తాను గతంలోనూ ఇదే విషయం చెప్పానని అన్నారు. తప్పు చేసిన వారెవరూ తప్పించుకోవాల్సిన అవసరం లేదన్నారు. అధికారులు అయినా, మంత్రులు అయినా విచారణ ఎదుర్కోవాల్సిందేనన్నారు. దాచుకున్న డబ్బుతో తెలుగుదేశం పార్టీ అధినేత నారా చంద్రబాబు నాయుడు, దోచుకున్న డబ్బుతో వైయస్సార్ కాంగ్రెసు పార్టీ అధినేత వైయస్ జగన్మోహన్ రెడ్డి మాత్రం బయటే ఉన్నారని విమర్శించారు. కేబినెట్ నిర్ణయాలకు మంత్రులు బాధ్యత వహించాల్సిందేనని చెప్పారు.

అయితే తెరవెనుక జరిగే లాలూచీతో మాత్రం మంత్రులకు ఎలాంటి సంబంధం ఉండదని చెప్పారు. సిబిఐ వివక్ష చూపుతున్న విషయంపై తానేమీ మాట్లాడనన్నారు. తన నిజాయితీ నిరూపించుకోకుండా కోర్టు నుండి స్టే తెచ్చుకున్న చంద్రబాబుకు విమర్శించే నైతిక హక్కు లేదన్నారు. మరోవైపు గుంటూరు ఎంపీ రాయపాటి సాంబశివ రావు ఈ అంశంపై స్పందించారు. దీనికి కాలమే సమాధానం చెబుతుందన్నారు. ఐఏఎస్ అధికారులు తమ వద్ద ఏదైనా ఆధారాలు ఉంటే సిబిఐకి ఇవ్వవచ్చునని సూచించారు. అవినీతి విషయంలో కేవలం ఐఏస్‌లను బలి చేయడం దారుణమేనన్నారు.

English summary
PCC chief Botsa Satyanarayana agreed with IAS officers argument on corruption issue. Guntur MP Rayapati Sambasiva Rao aslo show his sympothetic on officers.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X