• search
  • Live TV
చెన్నై వార్తల కోసం
నోటిఫికేషన్స్ పై క్లిక్ చేయండి  

ఏంటో చెప్పండి: తమిళ అసెంబ్లీలో మళ్లీ జయ తెలుగు

By Srinivas
|

Jayalalithaa
చెన్నై: రాష్ట్ర అసెంబ్లీలో ముఖ్యమంత్రి జయలలిత శనివారం మళ్లీ తెలుగులో మాట్లాడారు. హోసూరు ఎమ్మెల్యే గోపీనాథ్‌తో ఆమె తెలుగులో మళ్లీ మాట్లాడటంతో అసెంబ్లీలో నవ్వుల జల్లులు కురిశాయి. డిఎండికె అధినేత విజయకాంత్ తదితర అంశాల కారణంగా శుక్రవారం వరకు అసెంబ్లీలో సీరియస్ కనిపించింది. శుక్రవారం జయలలిత గోపీనాథ్‌తో ఓసారి తెలుగులో మాట్లాడారు. శనివారం కూడా మరోసారి మాట్లాడారు. తెలుగును కాపాడాల్సిందిగా గోపినాథ్ తెలుగులోనే జయలలితను అడిగారు. నిర్బంధ తమిళ చట్టం ద్వారా తెలుగు తదితర భాషల వారు తమ భాషల్లో చదువుకోలేక పోతున్నారని, చట్టంలో సవరింపులు చేయాలని ఆయన కోరారు. అందుకు ఆమె కూడా తెలుగులోనే స్పందించారు. రాష్ట్రంలో అన్ని భాషలను కాపాడేందుకు తాము సిద్ధంగా ఉన్నామని అన్నారు. మీ కోరిక ఏంటో చెప్పాలని ఆయనను అడిగారు. ఆమె తెలుగులో మాట్లాడటంతో సభలోని సభ్యులంతా చిరునవ్వులు నవ్వారు.

అనంతరం గోపినాథ్ మాట్లాడుతూ, సిఎం తెలుగులో మాట్లాడటంతో మేం పరవశించి పోతున్నామని అన్నారు. అసెంబ్లీలో మీరు తెలుగులో మాట్లాడటం ద్వారా యావద్భారత దేశంలోని తెలుగువారు మిమ్మల్ని పొగుడుతారన్నారు. మా భాష తెలుగును కాపాడండని, అలాగే ఇతర భాషలను కూడా కాపాడమని ఆయన కోరారు. ఎమ్మెల్యే, సిఎం తెలుగులో మాట్లాడుకోవడంతో అసెంబ్లీ కాసేపు సందడిగా మారింది.

English summary
CM Jayalalithaa talk in Telugu in Tamilnadu Assembly again on saturday. He promised to protect Telugu in state.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X