తెలంగాణ సాధన కోసం మరోసారి కెసిఆర్ హోమం

హైదరాబాద్: తెలంగాణ రాష్ట్ర సాధించేందుకు తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు మరోసారి హోమం తలపెట్టినట్లుగా తెలుస్తోంది. రెండు రోజుల పాటు హోమం చేయనున్నారని సమాచారం. ఈ నెల 16, 17 తేదీల్లో టిఆర్ఎస్ కార్యాలయం తెలంగాణ భవనంలో హోమం చేయనున్నారు. హోమం గురువారం ఉదయం నాలుగు గంటల పదిహేను నిమిషాలకు ప్రారంభమవుతుంది. కెసిఆర్ దంపతులు ఉదయం ఎనిమిది గంటల ప్రాంతంలో ఈ హోమంలో పాల్గొంటారు. హోమం కోసం ఏర్పాట్లు ఈరోజు రాత్రి వరకు పూర్తవుతాయని తెలుస్తోంది. గతంలోని కెసిఆర్ తెలంగాణ రాష్ట్రం కోసం హోమం చేసిన విషయం తెలిసిందే. రంగారెడ్డి జిల్లాలోని ఓ పార్టీ నేతకు చెందిన స్థలంలో ఆయన హోమం చెపట్టారు. కాగా పదిహేడో తారీఖున కెసిఆర్ పుట్టిన రోజు.

కాగా కాస్తంత సమయం దొరికితే మెదక్ జిల్లాలోని జగదేవ్‌పూర్ మండలం వెంకటాపురంలోని తన ఫామ్‌ హౌస్‌కు వెళ్లొస్తున్న కెసిఆర్ మరోసారి అక్కడకు వెళ్లారు. ఈసారి ఆయన సతీసమేతంగా వెళ్లడం విశేషం. సోమవారం సాయంత్రం వెంకటాపురానికి చేరుకున్న కెసిఆర్ అక్కడే ఉన్నారు.

English summary

TRS chief K Chandrasekhar Rao is planning to homam again for Telangana. It will be started on 16th and end on 17th.