పెళ్లి రిసెప్షన్: మంత్రి ధర్మానకు నారాయణ సవాల్
తాను చేసిన వ్యాఖ్యలు తప్పయితే తాను రాజీనామా చేయడానికి సిద్ధంగా ఉన్నానని, నిజమని తేలితే ధర్మాన ప్రసాద రావు రాజీనామా చేయాలని ఆయన అన్నారు. ధర్మాన ప్రసాదరావు పచ్చి అబద్ధాలు చెబుతున్నారని ఆయన విమర్శించారు. శాసనసభలో ధర్మాన ప్రసాదరావు అబద్దాలు చెప్పడం సరైంది కాదని ఆయన అన్నారు.
ధర్మాన కుమారుడి పెళ్లి రిసెప్షన్ కోసం శ్రీకాకుళంలోని విద్యాలయాన్ని తీసుకోవడం వల్ల వీఆర్వో పరీక్షా కేంద్రాన్ని అక్కడి నుంచి మార్చేశారని, దాని వల్ల అభ్యర్థులు ఆందోళనకు గురయ్యారని, ఓ వ్యక్తి తన కూతురును మరో కేంద్రానికి తీసుకుని వెళ్తూ ప్రమాదానికి గురై మరణించాడని నారాయణ ఆరోపించారు. ఈ విషయాన్ని చంద్రబాబు బుధవారం శాసనసభలో ప్రస్తావించినప్పుడు తీవ్ర దుమారం చెలరేగింది. నారాయణపై ధర్మాన ప్రసాదరావు తీవ్ర వ్యాఖ్యలు చేశారు. నారాయణ ఏదో మాట్లాడుతారు, చంద్రబాబు కూడా అదే విధంగా మాట్లాడడమేమిటని అడిగారు.
Click it and Unblock the Notifications
Sign in with Google