సిపిఐ నిర్ణయం: బాబుకు చేయి, కెసిఆర్కు చేయూత
తాము తెలంగాణకు అనుకూలంగా నిర్ణయం తీసుకున్నామని, అందువల్ల తెలంగాణలో తెలుగుదేశం పార్టీకి మద్దతు ఇవ్వలేమని ఆయన చెప్పారు. తెలుగుదేశం పార్టీకి మద్దతు ఇవ్వలేకపోవడం కొంత బాధాకరమేనని ఆయన అన్నారు. తెరాసతో అభిప్రాయభేదాలు ఉన్నప్పటికీ తెలంగాణవాదాన్ని బలోపేతం చేయడానికి తాము తెరాస అభ్యర్థులను బలపరుస్తున్నట్లు ఆయన తెలిపారు. తెరాస అంటరాని పార్టీ ఏమీ కాదని, అందువల్ల ఆ పార్టీ అభ్యర్థులకు మద్దతిస్తున్నామని ఆయన అన్నారు. వామపక్షాల ఐక్యత కన్నా తమ పార్టీ ఉనికి ముఖ్యమని, అందువల్ల తెలంగాణలో తెరాస అభ్యర్థులకు మద్దతివ్వాలని నిర్ణయించుకున్నామని ఆయన చెప్పారు. వామపక్షాల ఐక్యత కోసం కోవూరులో సిపిఎం అభ్యర్థికి మద్దతివ్వాలని నిర్ణయించుకున్నట్లు ఆయన తెలిపారు.
Click it and Unblock the Notifications
Sign in with Google