పాలకోసం ఏడ్చిందని నెలలచిన్నారిని నేలకేసి కొట్టిన తల్లి

By Srinivas

Published: Thursday, March 1, 2012, 16:54 [IST]

హైదరాబాద్/రాజమండ్రి: పాలకోసం ఏడ్చిందని నెలల చిన్నారని ఓ కసాయి తల్లి గురువారం నేలకేసి కొట్టింది. రంగారెడ్డి జిల్లాలోని శంషాబాద్ మండలం జూకల్‌లో ఈ ఘాతుకం చోటు చేసుకుంది. నాలుగు నెలల చిన్నారి పదే పదే పాలకోసం ఏడుస్తుందని ఆ తల్లి కోపంతో నేలకేసి బాదింది. దీంతో ఆ చిన్నారి అక్కడికక్కడే మృతి చెందినట్లుగా తెలుస్తోంది. మహబూబ్ నగర్ జిల్లాలో విషాదం చోటు చేసుకుంది. మద్దూరు మండలం నందిపాడులో కలుషిత ఆహారం తిని ఇద్దరు విద్యార్థులు మృతి చెందగా, మరో ఆరుగురు తీవ్ర అస్వస్థతకు గురయ్యారు. పెళ్లి విందు కార్యక్రమంలో కలుషితాహారం తినటం వల్లే ఈ ఘటన జరిగిందని తెలుస్తోంది. వాంతులు, విరోచనాలతో తొమ్మిదో తరగతి విద్యార్థులు రాజు, భాగ్యమ్మ మృతి చెందగా, తీవ్ర అస్వస్థతకు గురైన వారిని ఆసుపత్రిలో చేర్పించారు.

మరోవైపు తూర్పు గోదావరి జిల్లాలో పాఠశాల బస్సు కాలువలో పడి విద్యార్థులు మృతి చెందిన ఘటన మరువక ముందే గురువారం మరో ప్రమాదం జరిగంది. పి.గన్నవరం మండలం నాగుల్లకుంట పంట కాలువలో ఓ కారు అదుపుతప్పి బోల్తా పడింది. ఈ ఘటనలో ముగ్గురు అక్కడికక్కడే మృతి చెందారు. తీవ్రంగా గాయపడ్డ మరో ఇద్దరిని చికిత్స నిమిత్తం రాజోలు ఆసుపత్రికి తరలించారు.

Published On March 1, 2012