• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

యుపిలో పొత్తుల కోసం ఎత్తులు, మాయ అవుట్

By Pratap
|

Mayawati and Mulayam Singh
న్యూఢిల్లీ: ఏ పార్టీకి స్పష్టమైన మెజారిటీ రాదని సర్వే ఫలితాలు చెబుతుండడంతో రాజకీయ పార్టీలు ఉత్తరప్రదేశ్‌లో ప్రభుత్వ ఏర్పాటుకు ఇప్పటి నుంచే పొత్తుల కోసం ఎత్తులు వేస్తున్నాయి. సోమవారంనాడు ఆ వ్యూహాలు ఊపందుకున్నాయి. ఉత్తరప్రదేశ్‌లో హంగ్ అసెంబ్లీ ఏర్పడుతుదని ఐదు టీవీ చానెళ్ల ఎగ్జిట్ పోల్ సర్వేలు తేల్చాయి. అయితే, ములాయం సింగ్ యాదవ్ నేతృత్వంలోని సమాజ్‌వాదీ పార్టీ అత్యధిక స్థానాలు గెలుచుకుని పెద్ద పార్టీగా అవతరిస్తుందని సర్వేలు చెబుతున్నాయి.

కాంగ్రెసు పార్టీ మాయావతి నేతృత్వంలోని బిఎస్పీతో జత కడుతుందా, సమాజ్‌వాదీ పార్టీ పక్కన చేరుతుందా అనేది ఇప్పుడు చర్చనీయాంశంగా మారింది. సమాజ్‌వాదీ పార్టీతో కలిసి కాంగ్రెసు పార్టీ ప్రభుత్వాన్ని ఏర్పాటు చేయవచ్చునని ఇప్పటి వరకు అనుకుంటూ వచ్చారు. అయితే, కేంద్ర మంత్రి, కాంగ్రెసు సీనియర్ నాయకుడు బేణీ ప్రసాద్ ఆదివారం బాంబు పేల్చారు. మాయావతితో తాము జత కట్టడానికి ప్రయత్నాలు చేస్తున్నామని ఆయన చెప్పారు.

ములాయం సింగ్ యాదవ్‌తో ఏర్పడిన విభేదాలతో బేణీ ప్రసాద్ 2007లో ఆ పార్టీకి రాజీనామా చేసి కాంగ్రెసులో చేరారు. తాము ఎస్పీ కన్నా బిఎస్పీకే ఎక్కువ ప్రాధాన్యం ఇస్తామని ఆయన అన్నారు. ఎస్పీ గూండాల పార్టీ అని, బిఎస్పీ దళితుల పార్టీ అని, అందువల్ల తాము బిఎస్పీతో కలిసి పనిచేయడానికే ప్రాధాన్యం ఇస్తామని ఆనయ అన్నారు. అయితే, బేణీ ప్రసాద్ ప్రకటనను ఆయన వ్యక్తిగత అభిప్రాయంగా కాంగ్రెసు పార్టీ కొట్టి పారేసింది.

తమకు మెజారిటీ వస్తే ప్రభుత్వాన్ని ఏర్పాటు చేయడానికి ప్రయత్నిస్తామని, లేదంటే ప్రతిపక్షంలో కూర్చుంటామని యుపి కాంగ్రెసు కమిటీ అధ్యక్షురాలు రీటా బహుగుణ అన్నారు. కాగా, బిజెపితో కలిసి ప్రభుత్వాన్ని ఏర్పాటు చేయడానికి మాయావతి ప్రయత్నిస్తున్నట్లు వార్తలు వస్తున్నాయి.

English summary
Ahead of D-Day of March 06, the race for a possible post-poll tie ups in the most-watched Uttar Pradesh began on Monday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X