ఈనాడు కనుసన్నల్లో సిబిఐ జెడి పని: జగన్ పార్టీ నేత

హైదరాబాద్: సిబిఐ జాయింట్ డైరెక్టర్ లక్ష్మినారాయణపై వైయస్ జగన్ నాయకత్వంలోని వైయస్సార్ కాంగ్రెసు పార్టీ అధికార ప్రతినిధి గట్టు రామచందర్ రావు తీవ్రంగా మండిపడ్డారు. లక్ష్మినారాయణ న్యాయవాదులను కలిసి వారిని ప్రభావితం చేసేందుకు ప్రయత్నిస్తున్నారని ఆయన మంగళవారం మీడియా ప్రతినిధుల సమావేశంలో ఆరోపించారు. కోర్టు వ్యవహారాల్లో లక్ష్మినారాయణ జోక్యం చేసుకోవడం సరి కాదని ఆయన అభిప్రాయపడ్డారు. కాంగ్రెసు, టిడిపి, ఈనాడు కనుసన్నల్లో లక్ష్మినారాయణ పనిచేస్తున్నారని ఆయన విమర్శించారు. లక్ష్మినారాయణ విచారణపై మరో విచారణ జరిపితే వాస్తవాలు వెలుగులోకి వస్తాయని ఆయన అన్నారు.

తప్పుడు జీవోలుగా చెబుతున్నవాటిని జారీ చేసినవారిని విచారించకుండా సిబిఐ ఏకపక్షంగా, పక్షపాత ధోరణితో వ్యవహరించిందని ఆయన ఆరోపించారు. సుప్రీంకోర్టు ఇచ్చిన నోటీసులకు సిబిఐ వివరణ ఇవ్వాలని ఆయన డిమాండ్ చేశారు. కాంగ్రెసు, తెలుగుదేశం పార్టీలు ఇప్పటికైనా వైయస్ రాజశేఖర రెడ్డి కుటుంబానికి క్షమాపణ చెప్పాలని ఆయన డిమాండ్ చేశారు. హైకోర్టు అడిగిన రోజునే ఆ జీవోలు సక్రమమమైనవని ప్రభుత్వం చెప్పి ఉటే పరిస్థితి ఇక్కడి దాకా వచ్చి ఉండేది కాదని ఆయన అన్నారు. ఆ రోజు ప్రభుత్వం ఎందుకు స్పందించలేదో చెప్పాలని ఆయన డిమాండ్ చేశారు.

ఆ జీవోలు జారీ చేసిన మంత్రుల పేర్లను తెలుగుదేశం పార్టీ ఇచ్చిన ఫిర్యాదులో ఎందుకు ఉటంకించలేదో చెప్పాలని కూడా ఆయన డిమాండ్ చేశారు. జీవోలు జారీ చేసిన మంత్రులకు, తెలుగుదేశం నాయకులకు ఉన్న సంబంధమేమిటో చెప్పాలని ఆయన అన్నారు. సుప్రీంకోర్టు ఇవ్వడంతో కాంగ్రెసు, తెలుగుదేశం పార్టీల పరిస్థితి కుడితిలో పడిన ఎలుకల్లాగా తయారైందని ఆయన వ్యాఖ్యానించారు.

English summary

YSR Congress spokesperson Gattu Ramachandar Rao fired at CBI JD Laxminarayana.