నాన్న సలహాలు తీసుకుంటా,ముఖ్య నిర్ణయం: అఖిలేష్

By Srinivas

Published: Thursday, March 15, 2012, 14:50 [IST]

లక్నో: ఉత్తర ప్రదేశ్ ముఖ్యమంత్రిగా ప్రమాణ స్వీకారం చేసిన అఖిలేష్ యాదవ్ సిఎంగా మొట్టమొదటి మీడియా సమావేశం గురువారం నిర్వహించారు. ఈ సందర్భంగా ఆయన మాట్లాడారు. మాజీ ముఖ్యమంత్రి, బిఎస్పీ అధినేత్రి మాయావతి ఆధ్వర్యంలో రాష్ట్రంలో అవినీతి రాజ్యమేలిందని ఆరోపించారు. సమాజ్ వాదీ పార్టీ హయాంలో అవినీతిని అంతమొందిస్తామని హామీ ఇచ్చారు. మంత్రివర్గంలో యువతకు ప్రాధాన్యం ఇస్తానని చెప్పారు. ఎన్నికల హామీలు అన్నింటిని నెరవేరుస్తామని స్పష్టం చేశారు. రాష్ట్రంలో విద్యావకాశాలు మరింత మెరుగుపరుస్తామని చెప్పారు. రాష్ట్ర అభివృద్ధి విషయంలో నాన్నగారు ములాయం సింగ్ యాదవ్ సలహాలు తీసుకుంటానని చెప్పారు. నిరుద్యోగ సమస్యను తీర్చేందుకు ప్రయత్నం చేస్తానని చెప్పారు. అక్రమార్కులకు తగిన బుద్ధి చెబుతామన్నారు.

ఈ రోజు సాయంత్రం మంత్రివర్గం సమావేశమవుతుందని, అనంతరం ముఖ్యమైన నిర్ణయం తీసుకుంటామని చెప్పారు. గత ఐదేళ్లుగా అవినీతిలో రాష్ట్రం కూరుకుపోయిందన్నారు. ఈ రోజు నుండి శాంతిభద్రతలు అదుపులో ఉంచుతామని చెప్పారు. ప్రభుత్వంగా ఇది మా బాధ్యత అన్నారు. తమ ప్రభుత్వం రాష్ట్ర అభివృద్ధి పైన దృష్టి సారిస్తుందన్నారు. ఈ ప్రభుత్వం జనతా దర్బార్‌ను తిరిగి ప్రారంభిస్తుందన్నారు.

Published On March 15, 2012