• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జగన్ కన్నా తక్కువేం కాదు!: కెవిపి తనయుడిపై టిడిపి

By Srinivas
|

Gali Muddukrishnama Naidu
హైదరాబాద్: దివంగత ముఖ్యమంత్రి వైయస్ రాజశేఖర రెడ్డి ఉన్నప్పుడు ఒక వెలుగు వెలిగిన ప్రభుత్వ సలహాదారు కెవిపి రామచంద్ర రావు తనయుడు కూడా వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అంత ఘటికుడేనని తెలుగుదేశం పార్టీ నేతలు గాలి ముద్దుకృష్ణమ నాయుడు, బొజ్జల గోపాల కృష్ణా రెడ్డి సోమవారం అన్నారు. ముడుపుల్లో ముప్పాతిక వంతు జగన్‌కు వెళ్తే పావలా వాటా కెవిపి ఇంటికి వెళ్లాయని, జగన్ లక్ష కోట్లు సంపాదిస్తే కెవిపి కొడుకు పాతిక వేల కోట్లు సంపాదించారని వారు ఆరోపించారు.

వైయస్ సిఎం కాక ముందు కెవిపి తన పిల్లల చదువులకు ఫీజులు కూడా కట్టలేని స్థితిలో ఉన్నారని, ఆయన కుమారులకు తానుసీట్లు ఇప్పించానని, ఇప్పుడు కెవిపి కుటుంబానికి దుబాయిలో వాణిజ్య భవనాలు, మనదేశంలో ఐదువేల మెగావాట్ల పవర్ ప్లాంట్లు ఉన్నాయని, ఐదేళ్లలో ఇంత సంపద ఎక్కడిది? వైయస్ హయాంలో ప్రతి వ్యవహారం కెవిపికి తెలిసే జరిగిందని, అయినా ఆయనను సిబిఐ ఎందుకు విచారించట్లేదని ముద్దు ప్రశ్నించారు.

వైయస్, కెవిపి అత్యాశ వల్లే ఇప్పుడు రాష్ట్రంలో ప్రజలు దుర్భరమైన కరెంటు కోతను అనుభవిస్తున్నారని ఆయన విమర్శించారు. కొత్త విద్యుత్‌ ప్లాంట్లు కట్టడంలో జెన్‌కోకు విశేష అనుభవం, సామర్ధ్యం ఉన్నాయని, కానీ వైయస్ విటిపిఎస్ ఏడో దశ, భూపాలపల్లి ఐదో దశను బిజిఆర్ అనే కంపెనీకి ఇచ్చారని, ఇందులో కెవిపి కొడుకు బినామీ. అతడికి ఇంత పెద్ద విద్యుత్ ప్రాజెక్టులు కట్టే అనుభవం లేక వాటిని నాశనం చేసి వదిలిపెట్టాడన్నారు.

దీంతో అవి మాటిమాటికీ ట్రిప్పయి విద్యుత్తు కోతలతో ప్రజలు యాతనలు పడుతున్నారన్నారు. కెవిపి ఒక కేటుగాడని, ప్రస్తుతం సిబిఐ విచారణ జరుగుతోందని దాక్కొని దాక్కొని తిరుగుతున్నారని ముద్దు ఆరోపించారు. జగన్‌ను అరెస్టుచేసే సమయంలో కెవిపిని కూడా కలిపి అరెస్టు చేయాలని ఆయన డిమాండ్ చేశారు. రాష్ట్ర మంత్రులు క్యూ కట్టి సిబిఐ ముందు విచారణకు హాజరు కావడం ప్రొటోకాల్‌కే అవమానంగా మారిందని, ముందు వారు తమ పదవులను వదిలిపెట్టి తర్వాత విచారణకు హాజరు కావాలని ఆయన డిమాండ్ చేశారు.

జగన్ ఆస్తుల అటాచ్‌మెంట్ ఆదేశాలపై సంతకాలు చేస్తున్న హోంమంత్రి మరోపక్క తాను సిబిఐ విచారణకు హాజరు అవుతున్నారని, ఒకవేళ హోంమంత్రిని అరెస్టు చేస్తే రాష్ట్రం పరువు పోతుందని ముందే ఆమెతో రాజీనామా చేయిస్తే మంచిదని ముద్దు సూచించారు. కెవిపి, సూరీడు, సరసాదేవి వంటివారు అప్రూవర్లుగా మారి గతంలో జరిగిన వ్యవహారాలను బయటపెట్టాలని బొజ్జల గోపాలకృష్ణా రెడ్డి సూచించారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Telugudesam Party leader Gali Muddukrishnama Naidu and Bojjala Gopalakrishna Reddy compared KVP Ramachandra Rao's son with YSR Congress Party chief and Kadapa MP YS Jaganmohan Reddy on Monday in media conference at NTR Trust Bhavan of Hyderabad.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more