హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

గాలి బెయిల్ డీల్, చలపతిరావు ఇంట్లో సిబిఐ సోదాలు

By Pratap
|
Google Oneindia TeluguNews

Gali Janardhan Reddy-Pattabhi Ramarao
హైదరాబాద్: కర్ణాటక మాజీ మంత్రి గాలి జనార్దన్ రెడ్డి బెయిల్ కుంభకోణం కేసులో సిబిఐ అధికారులు దర్యాప్తును ముమ్మరం చేశారు. గాలి జనార్దన్ రెడ్డికి బెయిల్ మంజూరు చేయడానికి ప్రస్తుతం సస్పెన్షన్‌లో ఉన్న న్యాయమూర్తి పట్టాభి రామరావుతో డీల్ కుదర్చడానికి మధ్యవర్తిగా వ్యవహరించారని భావిస్తున్న రిటైర్డ్ న్యాయమూర్తి చలపతిరావు నివాసంలో సిబిఐ అధికారులు సోదాలు నిర్వహిస్తున్నారు.

చలపతి రావు ఇద్దరు సోదరుల నివాసాల్లోనూ సోదాలు జరుగుతున్నాయి. సిబిఐ ప్రత్యేక బృందం చలపతిరావు ఇద్దరు సోదరులను ప్రశ్నిస్తున్నారు. గుంటూరు జిల్లా చిలుకలూరిపేట మండలం వేలూరు గ్రామానికి చెందిన చలపతి రావు బంధుత్వాలపై కూడా సిబిఐ అధికారులు ఆరా తీస్తున్నారు. చలపతిరావు ఎసి కాలేజీలో న్యాయశాస్త్రంలో పట్టా తీసుకున్నారు. ఆరుగురు అధికారులు చలపతి రావు సోదరుల నివాసాల్లో సోదాలు చేస్తున్నారు.

చలపతి రావుకు ఎవరెవరితో సంబంధాలున్నాయనే విషయంపై కూడా సిబిఐ అధికారులు ఆరా తీస్తున్నారు. గాలి జనార్దన్ రెడ్డితో పట్టాభిరామారావుకు డీల్ కుదుర్చడంలో ఐదుగురు వ్యక్తులు పాలు పంచుకున్నట్లు చెబుతున్నారు. బెయిల్ మంజూరు చేస్తే పట్టాభి రామారావుకు అందిన డబ్బులు తొలుత పది కోట్ల రూపాయలే అని భావించినప్పటికీ అది 15 కోట్ల రూపాయలని తర్వాత తేలింది.

డాక్యుమెంట్ రైటర్ శ్రీనివాస రావు నివాసంలోనూ, న్యాయవాది తారకరామ్ నివాసంలోనూ సిబిఐ అధికారులు సోదాలు చేస్తున్నారు. చలపతి రావు సోదరుల నివాసంలో సోదాలు నిర్వహిస్తున్న అధికారులు అందుకు సంబంధించిన సమాచారం ఇవ్వడానికి నిరాకరిస్తున్నారు. ఉన్నతాధికారులు వచ్చిన తర్వాత సమాచారం ఇస్తారని చెబుతున్నారు. పట్టాభి రామారావు కేసులో ఏ క్షణంలోనైనా అరెస్టులు జరుగుతాయని భావిస్తున్నారు.

ముడుపులు అంగీకరించి గాలి జనార్దన్ రెడ్డికి బెయిల్ మంజూరు చేసిన న్యాయమూర్తి పట్టాభి రామారావును సస్పెండ్ చేసిన విషయం తెలిసిందే. ఈ కేసును కూడా సిబిఐ దర్యాప్తు చేసే అవకాశాలున్నట్లు చెబుతున్నారు. కేసులు నమోదు చేసి అరెస్టులు చేసేందుకు సిబిఐ రంగం సిద్ధం చేస్తున్నట్లు చెబుతున్నారు.

English summary
CBI is conduction raids on retired judge Chalapathi Rao's residence and his brothers' houses in Karnataka former minister gali Janardhan Reddy's bail deal with suspended judge Pattabhi Ramarao.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X