అళ్లగడ్డ, ప్రత్తిపాడుల్లో జగన్ పార్టీ ముందంజ

హైదరాబాద్: ఇప్పటి వరకు అందిన ఫలితాలను బట్టి వైయస్సార్ కాంగ్రెసు పార్టీ హవా కొనసాగుతోంది. చాలా కష్టమని భావించిన తిరుపతి, ఆళ్లగడ్డ, ప్రత్తిపాడుల్లో కూడా వైయస్సార్ కాంగ్రెసు పార్టీ అభ్యర్థులు ఆధిక్యంలో కొనసాగుతున్నారు. ప్రత్తిపాడులో వైయస్సార్ కాంగ్రెసు పార్టీ అభ్యర్థఇ మేకతోటి సుచరిత 1897 ఓట్ల ఆధిక్యంలో కొనసాగుతున్నారు.

తిరుపతి నియోజకవర్గంలో తొలుత వైయస్సార్ కాంగ్రెసు పార్టీ అభ్యర్థి భూమన కరుణాకర్ రెడ్డి ఆధిక్యంలో కొనసాగినప్పటికీ ఆ తర్వాత కాంగ్రెసు పార్టీ అభ్యర్థి వెంకటరమణ ఆధిక్యంలోకి వచ్చారు. భూమన తొలుత కేవలం 14 ఓట్ల ఆధిక్యంలో ఉన్నారు. ఆ తర్వాత వెంకటరమణ 16 ఓట్ల ఆధిక్యంలోకి వచ్చారు.

కర్నూలు జిల్లా ఆళ్లగడ్డలో వైయస్సార్ కాంగ్రెసు పార్టీ అభ్యర్థి శోభానాగిరెడ్డి మొదటి రౌండులో 3500 ఓట్ల ఆధిక్యాన్ని సాధించారు. ఈ మూడు నియోజకవర్గాల్లోనే వైయస్సార్ కాంగ్రెసు పార్టీ విజయం పట్ల సందేహాలు వ్యక్తమయ్యాయి.

ఈ నెల 12వ తేదీన ఉప ఎన్నికల పోలింగ్ జరిగింది. శుక్రవారం ఉదయం ఓట్ల లెక్కింపు ప్రారంభమైంది. 18 శాసనసభా నియోజకవర్గాలకు, ఓ లోకసభ స్థానానికి ఉప ఎన్నికలు జరిగాయి. ఈ ఉప ఎన్నికల్లో వైయస్సార్ కాంగ్రెసు పార్టీ అధిక స్థానాలు గెలుస్తుందనే అంచనాలు సాగుతున్నాయి.

English summary

YSR Congress party candidates Mekathoti Sucharita at Prathipadu and Shobha Nagireddy at Allagadda are leading.Counting of votes polling held for 18 assembly seats and Nellore Loksabha seat on Jube 12, has began today morning. Arrangements were made by EC for counting of votes.