విమానంలో ప్రయాణికుణ్ని కుట్టిన తేలు, తొక్కి చంపారు

చెన్నై: రాజధాని చెన్నై నగరంలోని అంతర్జాతీయ విమానాశ్రయంలో ఓ ప్రయాణీకుడిని తేలు కుట్టిన సంఘటన చోటు చేసుకుంది. బహ్రెయిన్ బయలుదేరడానికి సిద్ధంగా ఉన్న విమానంలో విద్యాసాగర్ అనే వ్యక్తి కూర్చున్నాడు. అతనిని తేలు కుట్టింది. ముప్పయి అయిదేళ్ల విద్యాసాగర్ పుదుచ్చేరికి చెందిన వ్యక్తి. ఆదివారం బహ్రెయిన్ వెళ్లేందుకు విమానంలో కూర్చున్నాడు.

ఆ తర్వాత విమానం టేకాఫ్ అయింది. అంతలోనే విద్యాసాగర్ పెద్దగా కేకలు పెడుతూ, బాధతో విలవిలలాడిపోయాడు. అప్రమత్తమైన ఎయిర్ హోస్టెస్ ఆరా తీయగా.. తన జేబులో చేయి పెడితే ఏదో కుట్టిందని విద్యాసాగర్ బాధతో ఆమెకు చెప్పారు. దీంతో ఎయిర్ హోస్టెస్ ఆయన కోటు జేబులో చూసింది. దానిని విదిలించగా అందులో నుంచి నల్లటి తేలు కిందపడింది.

దాంతో ప్రయాణీకులు బెదిరారు. విద్యాసాగర్ పక్కనే ఉన్న మరో ప్రయాణీకుడు వెంటనే ఆ తేలును చంపేశాడు. తేలు కుట్టడంతో విద్యాసాగర్‌ను చెన్నైలోని ఓ ఆసుపత్రికి తరలించారు. తాను ప్రయాణం విరమించుకుంటానని విద్యాసాగర్ చెప్పడంతో విమానం బహ్రెయిన్ వెళ్లిపోయింది. ఈ ఘటన చెన్నై విమానాశ్రయంలో రాత్రి పదిన్నర గంటలకు చోటు చేసుకుంది.

English summary

A scorpion sting made the travel plans of a Bahrain-bound passenger go awry, and delayed a Gulf Air flight for more than 30 minutes at the Chennai airport on Sunday. As D Vidyasagar, 47, buckled his seat belt and settled down for the four-hour flight, he did not know what was in store.