• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

లగడపాటి ఇంటిపై కోడిగుడ్లు: తెలంగాణ లాయర్ల ధర్నా

By Srinivas
|

Lagadapati Rajagopal
హైదరాబాద్: మెడికల్ సీట్ల వ్యవహారంలో విజయవాడ పార్లమెంటు సభ్యుడు లగడపాటి రాజగోపాల్ అసత్య ప్రచారం చేస్తున్నారని ఆరోపిస్తూ తెలంగాణ న్యాయవాదుల ఐక్య కార్యాచరణ సమితి ఆదివారం జూబ్లీహిల్స్‌లోని లగడపాటి ఇంటి ఎదుట ధర్నా చేసేందుకు ప్రయత్నించింది. ఇదే సమయంలో అక్కడకు చేరిన కొందరు లగడపాటి ఇంటిపై కోడిగుడ్లతో దాడి చేశారు. అక్కడే ఉన్న పోలీసులు న్యాయవాదులను అదుపులోకి తీసుకున్నారు.

వారిని జూబ్లీహిల్స్ పోలీసు స్టేషన్‌కు తరలించారు. తెలంగాణకు ఎక్కువ వైద్య సీట్లను కేటాయించారంటూ లగడపాటి అసత్య ప్రచారం చేస్తున్నారని, అలాంటి ప్రచారాలు మానుకోవాలని న్యాయవాదులు సూచించారు. తమకు జరిగిన అన్యాయం పట్ల ప్రభుత్వాన్ని నిలదీస్తున్నామని కానీ, రాజగోపాల్ దీనికి వక్రభాష్యం చెబుతున్నారని వారు మండిపడ్డారు. కాగా మెడికల్ సీట్ల వ్యవహారంలో వివాదం చెలరేగిన విషయం తెలిసిందే.

కాగా కాంగ్రెసు పార్లమెంటు సభ్యుడు లగడపాటి రాజగోపాల్ ఆదివారం తెలంగాణ రాష్ట్ర సమితి అధ్యక్షుడు, మహబూబ్ నగర్ పార్లమెంటు సభ్యులు కల్వకుంట్ల చంద్రశేఖర రావుపై, సిద్దిపేట శాసనసభ్యుడు హరీష్ రావుపై తీవ్రస్థాయిలో మండిపడ్డ విషయం తెలిసిందే. తెలంగాణలో తెరాస వాదానికి ఆదరణ తగ్గిందని అన్నారు. ఎంబిబిఎస్ సీట్లు సీమాంధ్రలో కంటే తెలంగాణలోనే ఎక్కువ అన్నారు. హరీష్ రావు తప్పుడు లెక్కలతో ప్రాంతీయ విద్వేషాలు రెచ్చకొడుతున్నారన్నారు.

దీనిపై దమ్ముంటే బహిరంగ చర్చకు రావాలన్నారు. ఎంబిబిఎస్ సీట్లపై హరీష్ రావుది అర్థం లేదని వాదన అన్నారు. తెలంగాణలో ఎక్కువ సీట్లు ఉన్నట్లు తాను గణాంకాలతో సహా నిరూపించేందుకు సిద్ధంగా ఉన్నానని చెప్పారు. తప్పని తేలితే తాను రాజకీయాల నుండి తప్పుకుంటానని సవాల్ చేశారు. తప్పుడు లెక్కలు చూపించి రెచ్చగొట్టే ప్రయత్నాలు చేయవద్దని తెరాసకు హితవు పలికారు. కెసిఆర్ ఓ పైశాచికుడు అని, దుర్మార్గమైన వేర్పాటు వాది అన్నారు.

వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి స్వాతిముత్యంలో కమల్ హాసన్‌లా తెలంగాణపై నటిస్తున్నారని ఎద్దేవా చేశారు. జగన్, టిడిపి అధినేత నారా చంద్రబాబు నాయుడు వేర్పాటువాదంపై మాట్లాడకపోవడం శోచనీయమన్నారు. ముఖ్యమంత్రి కిరణ్ కుమార్ రెడ్డి వేర్పాటువాదాన్ని అణిచివేయడంలో సఫలమయ్యారన్నారు.

కిరణ్ రాష్ట్రాన్ని సమైక్యంగా ఉంచేందుకు కృషి చేస్తున్నారని అన్నారు. రాష్ట్రం ఎప్పటికీ విడిపోదని, సమైక్యంగానే ఉంటుందని చెప్పారు. కాగా మెడికల్ సీట్ల వ్యవహారంపై లగడపాటి తెరాస అధినేత కెసిఆర్‌కు ఓ లేఖ రాశారు. సీమాంధ్రలో కంటే తెలంగాణలోనే మెడికల్ సీట్లు ఎక్కువగా ఉన్నాయని, గణాంకాలతో సహా నిరూపిస్తానని, తప్పని తేలితే రాజీనామా చేస్తానని ఆ లేఖలో పేర్కొన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
In a shocking incident, few people have started attacking Congress MP Lagadapati Rajagopal's house with eggs and stones. This is the second time Lagadapati has experience such an incident.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more