• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జైల్లో జగన్‌ను కల్సిన లక్ష్మీపార్వతి: విజయమ్మ, భారతీ

By Srinivas
|

YS Jagan - Laxmi Parvathi
హైదరాబాద్: ఎన్టీఆర్ తెలుగుదేశం పార్టీ అధ్యక్షురాలు, స్వర్గీయ నందమూరి తారక రామారావు సతీమణి లక్ష్మీ పార్వతి మంగళవారం వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డిని కలిశారు. అక్రమాస్తుల కేసులో అరెస్టై చంచల్‌గూడ జైలులో ఉన్న ఆయనను లక్ష్మీ పార్వతి ములాఖత్ సమయంలో కలిశారు. లక్ష్మీపార్వతితో పాటు జగన్ తల్లి, పార్టీ గౌరవ్ అధ్యక్షురాలు వైయస్ విజయమ్మ, భార్య భారతి, బావ బ్రదర్ అనిల్ కుమార్, మాజీ మంత్రి పిల్లి సుభాష్ చంద్రబోస్ తదితరులు జగన్‌వు కలిశారు.

జగన్ అక్రమాస్తుల కేసులో అరెస్టై ఇదే జైలులో ఉన్న మాజీ మంత్రి మోపిదేవి వెంకటరమణను పౌరసరఫరాల శాఖ మంత్రి దుద్దిళ్ల శ్రీధర్ బాబు కలిశారు. ఆయనతో కాసేపు మాట్లాడారు. అనంతరం బయటకు వచ్చిన శ్రీధర్ బాబు మాట్లాడుతూ.. మోపిదేవి తనకు మంచి మిత్రుడని, ఆయన ఆరోగ్యం, వ్యక్తిగత వ్యవహారాల గురించి మాత్రమే మాట్లాడుకున్నామని చెప్పారు. రాజకీయాలు మాట్లాడలేదని చెప్పారు. మోపిదేవికి ప్రభుత్వం న్యాయసహాయం అందిస్తుందా అని అడిగితే సమాధానం దాటవేశారు.

కాగా రెండు రోజుల క్రితం.. కష్టాలలో ఉన్న వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి అండగా ఉండాలనే తాను ఉప ఎన్నికలలో ఆయనకు మద్దతు పలికానని ఎన్టీఆర్ తెలుగుదేశం పార్టీ అధ్యక్షురాలు లక్ష్మీ పార్వతి ఆదివారం చెప్పిన విషయం తెలిసిందే. వైయస్ జగన్‌కు తాను తల్లిలాంటి దానినని ఆమె చెప్పారు. శ్రీ పొట్టి శ్రీరాములు నెల్లూరు జిల్లా కావలిలో ఆదివారం ఓ వివాహానికి ఆమె హాజరయ్యారు.

ఈ సందర్భంగా జగన్ జైలు నుంచి విడుదల కావాలని కోరుతూ స్థానిక కలుగోళశాంభవి ఆలయంలో పూజలు చేశారు. అనంతరం విలేకరులతో మాట్లాడుతూ, తాను వైయస్సార్ కాంగ్రెసు పార్టీలో చేరలేదని చెప్పారు. కష్టాలలో ఉన్న జగన్‌కు అండగా ఉండాలని ఉప ఎన్నికలలో ఆయనకు మద్దతు పలికానన్నారు. స్వర్గీయ ఎన్‌టిఆర్ తర్వాత సమర్థుడైన నాయకుడు దివంగత వైయస్ రాజశేఖర రెడ్డియే అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
NTR TDP president Laxmi Parvathi has met YSR Congress party chief and Kadapa MP YS Jaganmohan Reddy in Chanchalguda jail on Tuesday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more